រៀន​បើករថយន្ត​ ជ្រុល​ចង្កូត ​ធ្លាក់​ចូលលូទឹកស្អុយ​

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ: បុរសម្នាក់ ជាបុគ្គលិក នៅក្នុងហាងប្រហិតត្រី និងងៀតគោពិសេសម្នាក់ ររៀនបើករថយន្ត ជ្រុលជាន់ហ្គាររថយន្ត បោលទំលុះ ជញ្ជាំងហាង រួចជ្រុលទៅ បុកបង្កាន់ដៃលូទឹកស្អុយ ដាំក្បាលរថយន្ត ចូលប្រឡាយទឹកស្អុយ សំណាងល្អ មិនមានអ្នករងរបួស ។

ហេតុការណ៍នេះ បានកើតឡើង កាលពីម៉ោងជិត ១២អធ្រាត្រ ថ្ងៃទី០៣ ខែកក្កដា ឆ្នាំ២០១៤ នៅតាមផ្លូវលេខ ១០៥ ស្ថិតក្នុង សង្កាត់បឹងកេងបងបី ខណ្ឌចំការមន ។ ប្រភពព័ត៌មាន កន្លែងកើតហេតុ បានឱ្យដឹងថា នៅមុនពេលកើតហេតុ គេឃើញបុគ្គលិក បម្រើការក្នុង ហាងប្រហិតត្រី និងងៀតគោ ពិសេសបានរៀនបើកបរ រថយន្តម៉ាកតូ យ៉ូតាកូរ៉ូឡា ពណ៌ខៀវ ពាក់ស្លាកលេខភ្នំពេញ 2H-0029 ដោយរៀនបើកបរ នៅក្នុងបរិវេណ ហាងលើ ។

នៅពេលបើកបររថយន្ត ស្រាប់តែអ្នកបើកបរ បានជ្រុលជាន់ហ្គារ បុកទំលុះជញ្ជាំងហាង និងជ្រុលទៅបុក បង្កាន់ដៃលូទឹកស្អុយ បាក់អស់ ជាង១០ម៉ែត្រហើយ រថយន្ត ក៏បានដាំក្បាលចុះទឹកស្អុយ តែសំណាងល្អ អ្នកបើកបរ មិនមានគ្រោះថ្នាក់ ។ ក្រោយពេលកើតហេតុ រថយន្ត ត្រូវបានសមត្ថកិច្ច ស្តូចយកទៅរក្សាទុក នៅការិយាល័យ ចរាចរផ្លូវគោក៕

 ប្រភព៖ CEN