ឃាតកម្មថ្មីនេះ…សង្ស័យពាក់ព័ន្ធជាមួយលោកនាយប៉ុស្តិ៍ឃុំរាមដែរ?
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្តព្រះសីហនុ ៖ សេចក្តីរាយការណ៍បន្តឱ្យដឹងថា សមត្ថកិច្ចបាននិងកំពុងបន្តស្រាវជ្រាវបន្ថែម ដើម្បីបញ្ជាក់រឿងពិត ដើម្បីចាត់ការតាមច្បាប់ដោយមិនលើកលែងឡើយ ។ រីឯជនជាប់ពាក់ពន្ធ័ផ្ទាល់ និងអ្នករួមគំនិត គឺមានប្រជាកាពាភូមិ៤នាក់ មាននាយប៉ុស្តិ៍រដ្ឋបាលឃុំរាមម្នាក់ និងជនសង្ស័យជាស៊ីវិលម្នាក់ ទៀតសរុបមានចំនួន៦នាក់ ត្រូវបានអធិការនគរបាលស្រុកបញ្ជូនបន្តទៅកាន់ស្នងកាខេត្ត ខណៈមនុស្សទាំង៦នាក់នោះ សមត្ថកិច្ចនៅមិនទាន់បង្ហាញអត្តសញ្ញាណឱ្យស្គាល់នៅឡើយ ដោយកំពុងធ្វើការស្រាវជ្រាវបន្តទៀត នៅថ្ងៃទី០៥ មិថុនា នេះ ។
គួររំលឹកថា ករណីឃាតតកម្ម ហាក់កើតមានឡើងបន្តបន្ទាប់នៅក្នុងស្រុកព្រៃនប់ ក្នុងចន្លោះពីករណីរំលោភសម្លាប់ក្មេងប្រុសស្រីពីរនាក់នៅក្នុងឃុំបិតត្រាំង ដែលឃាតករទើបក្របួចកបាននោះ ស្រាប់តែករណីឃាតកម្មថ្មីមួយទៀត កើតនៅក្នុងស្រុកព្រៃនប់ដដែល ។ បុរសម្នាក់បានស្លាប់ដោយមានស្នាមរបួសត្រង់.ក និងក្បាលជាច្រើនកន្លែង ហើយករណីនេះ កំពុងសង្ស័យមានជាប់ពាក់ព័ន្ធនិងសមត្ថកិច្ចជានាយនគរបាលប៉ុស្តិ៍រដ្ឋបាលឃុំរាម ដែលឃុំនេះជាប់និងឃុំឃាតកម្មរំលោភសម្លាប់ក្មេងប្រុសស្រី២នាក់បងប្អូននោះផងដែរ ។
តាមប្រភពនគរបាលស្រុកព្រៃនប់ឱ្យដឹងថា នៅជិតស្ពានទឹកសាប ស្ថិតក្នុងភូមិស្មាច់ដែងឃុំរាម ស្រុកព្រៃនប់ ប្រទះឃើញសាកសពបុរសម្នាក់ ត្រូវគេបោះចោលនៅជិតស្ពានអូរកំបុត ជាប់ផ្លូវជាតិលេខ៤ ក្នុងគោលបំណង ហាក់ដូចជាបង្វែងដានដាក់ទៅក្នុងករណីផ្សេង ។
ក្រោយកើតហេតុ ក៏មានការស្រាវជ្រាវពីសមត្ថកិច្ចយ៉ាងល្អិតល្អន់ និងប្រើជំនាញច្បាស់លាស់ រហូតមានការឃាត់ខ្លួនជាបណ្តោះអាសន្ននូវជនសង្សយ័មួយចំនួន ដែលសមត្ថកិកច្ច បានដាក់ការសង្ស័យថា ជាប់ពាក់ពន្ធ័ផ្ទាល់និងអ្នករួមគំនិតក្នុងរឿងឃាត្តកម្មខាងលើ ហើយក្នុងនោះក៏មានជនសង្ស័យម្នាក់ ដែលសមត្ថកិច្ចឃាត់ខ្លួនជានាយនគរបាលប៉ុស្តិ៍ រដ្ឋបាលឃុំរាមនិងប្រជាការពារភូមិមួយចំនួនទៀតផងដែរ។
ប្រភពដដែលបានប្រាប់ពីសាវតាខ្លះ ដែលឈានដល់ការចាប់ខ្លួនមនុស្សច្រើននាក់នេះ ដើមហេតុថាចេញពីជម្លោះរវាងជនរងគ្រោះនិងម្ចាស់ផ្ទះមួយកន្លែងនៅទឹកសាប ដោយប្រើហិង្សាទៅវិញទៅមក រហូតដល់ជនរងគ្រោះស្លាប់ ។ ក្រោយជនរងគ្រោះស្លាប់ មិនដឹងយល់ឃើញយ៉ាងម៉េច លោកមេប៉ុស្តិ៍ឃុំរាម ក៏មិនរាយការណ៍ជូនថ្នាក់ លើ បែរជាឱ្យក្រុមប្រជាការពារដឹកសាកសពទៅបោះចោលនៅជិតស្ពានទឹកសាប កាលពីយប់ថ្ងៃទី៣០ ឧសភា ២០១៩ ។ លុះព្រឹកឡើងថ្ងៃទី៣១ ឧសភា ទើបគេប្រទះឃើញសាកសពនេះ ។
ដកស្រង់ពី៖កោះសន្តិភាព