កម្មកររោងចក្រជិនយី ផ្ទុះអំពើហឹង្សា វាយគប់បំបែក កញ្ចក់រោងចក្រ នៅពេលតវ៉ាទាមទារលក្ខខណ្ឌ មិនបានសំរេច

សេចក្ដីលម្អិត

ជំពូក៖ ព័ត៌មានសន្តិសុខសង្គម

កំពង់ឆ្នាំង៖ កញ្ចក់ប៉ុស្តិរដ្ឋបាល ខាងមុខរោងចក្រ ជិន យី ត្រូវបានកម្មករ ក្នុងរោងចក្រ វាយបំបែក គ្ចក់ខ្ទេចខ្ទី ខណៈពេលដែល កម្មករ តវ៉ាទាមទារ លក្ខ័ណ ១៧ចំណុច មិនបានសំរេច បើទោះជា មានការសម្របសម្រួល ពីអាជ្ញាធរមូលដ្ឋាន និងគណៈកម្មការ អាជ្ញាកណ្តាល ក៍ដោយ។

ហេតុការណ៍នេះ បានកើកឡើងនៅ វេលាម៉ោង១២ និង៣០នាទី ថ្ងៃទី២០ ខែសីហា ឆ្នាំ២០១៤ នៅក្នុងរោងចក្រ ជិន យី ស្ថិតនៅក្នុង ភូមិចំការស្វាយ ឃុំសេដ្ឋី ស្រុកសាមគ្គឹមានជ័យ។ លោកវរសេនីយ៍ឯក លី វរះ ស្នងការរងនគរបាល ខេត្តកំពង់ឆ្នាំង បាននិយាយអោយដឹងថា ៖ មុនការផ្ទុះ អំពើហឹង្សានេះឡើង លោកព្រះរាជអាជ្ញា អមសាលាដំបូងខេត្ត បានអានដីកា បង្គាប់អោយកម្មករ កម្មការីនីរោងចក្រ ចូលធ្វើការជាធម្មតាវិញ និងដោយមាន ការប្រជុំដោះស្រាយ ក្នុងការទាមទារ អោយបើកប្រាក់ខែ របស់កម្មករ ក្នុងការតវ៉ា រយៈពេលប៉ុន្មាន ថ្ងៃមកនេះ មិនអោយកាត់ឡើយ តែខាងភាគីរោងចក្រ មិនព្រម។

ដោយឡែកចំពោះលុយព្រីមវិញ រក្សាទុកនៅដដែល ៥០%ស្មើ និង៥ដុល្លា។ ក្រោយមក បានអោយតំណាងកម្មករ តំណាងសហជីប និងតំណាងរោងចក្រ ផ្តិតមេដៃលើ លិខិតស្នាមនោះ តែតំណាងកម្មករ និងតំណាងសហជីប មិនព្រម បាននាំគ្នាដើរចេញ ពីអង្គប្រជុំ ហើយភ្លាមៗនោះ ក៍បានផ្ទុះឡើង នៅការគប់ដុំថ្ម រុញច្រានទ្វាររោងចក្រ និងសម្រុកចូលវាយបំបែក កញ្ចក់ទ្វារ យ៉ាងអានាធិបតេយ្យ។

ហេតុការណ៍ការប៉ះទង្គិចគ្នា នៅពេលនោះ គឺពុំបណ្តាលអោយមាន ការរងរបួស អ្នកណាឡើយ នៅក្នុងនោះ គេសង្កេតឃើញ មានក្រុមសហព័ន្ធ សហជីបស្មារតី កម្មករខ្មែរ មានវត្តមានដឹកនាំ នៅក្នុងការតវ៉ា នោះផងដែរ។ ការតវ៉ា និងប្រើអំពើហឹង្សា ខាងលើនេះ ត្រូវបានបញ្ឈប់ទៅវិញ ខណៈដែលកំលាំងសមត្ថកិច្ច ចូលទៅធ្វើការ បំបែកហ្វូងកម្មករ អោយចេញមកខាងក្រៅ រោងចក្រវិញអស់។

គួរបញ្ជាក់ថា ៖ ការធ្វើបាតុកម្មតវ៉ា បិតផ្លូវរបស់កម្មករ កម្មការនីរោងចក្រ ជីន យី មានរយៈពេល១០ថ្ងៃ មកហើយ គិតមកត្រឹមថ្ងៃទី២០ ខែសីហានេះ។ ទោះបីអាជ្ញាធរស្រុក ខេត្ត សមត្ថកិច្ច មន្ទីរការងារខេត្ត និង គណៈកម្មការអាជ្ញាកណ្តាល ខិតខំសម្របសម្រួស យ៉ាងណាក៏ដោយ ក៏កម្មករ និងភាគីរោងចក្រ មិនទាន់រកផ្លូវដោះស្រាយ បាននៅឡើយ៕