ផ្តន្ទាទោស ស្រ្តីវៀតណាម ២នាក់ ដាក់គុកម្នាក់ៗ ២ឆ្នាំ ៦ខែ ទាក់ទងនឹង ការនាំក្មេងស្រីទៅ ដេកជាមួយតាៗ នៅតាមផ្ទះសំណាក់ និងសណ្ឋាគារ

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ៖ សាលាដំបូង រាជធានីភ្នំពេញ កាលពីថ្ងៃទី៣ ខែវិច្ឆិកា ឆ្នាំ២០១៤ បានប្រកាសសាលក្រម ផ្តន្ទាទោស ស្រ្តីជនជាប់ចោទ ជនជាតិវៀតណាម ចំនួន២នាក់ ដាក់គុកម្នាក់ៗ រយៈពេល ២ និង៦ឆ្នាំ។

និងពិន័យជាប្រាក់ សម្រាប់ដាក់ចូលនៅ ក្នុងថវិកាជាតិ ទាក់ទងនឹង ករណី នាំក្មេងស្រី វៀតណាម ជាច្រើននាក់ នាំយកទៅវ៉ៃសិច ជាមួយពួកបុរសៗ ដែលនិយម ទិញសេវ៉ាផ្លូវភេទ នៅតាមផ្ទះសំណាក់ ឬសណ្ឋាគារ ប្រព្រឹត្តនៅក្នុង រាជធានីភ្នំពេញ នៅក្នុង កំឡុងខែ មីនា ឆ្នាំ២០១៤។

លោក ម៉ុង មុនីសោភា ចៅក្រមជំនុំជម្រះ នៃ សាលាដំបូង រាជធានីភ្នំពេញ បានឲ្យដឹងងថា ជនជាប់ចោទទាំង២នាក់ ខាងលើនេះ មានឈ្មោះ ទី១- ឡេ ធីយីម ភេទស្រី អាយុ ២៥ ឆ្នាំ ជនជាតិវៀតណាម និង ទី២- ឈ្មោះ ភឿង ធីម៉ាយសៀង ភេទស្រី អាយុ ៣២ ឆ្នាំ ជនជាតិវៀតណាម ។

ជនជាប់ចោទទាំង២នាក់ ត្រូវបានតុលាការ សម្រេច ផ្តន្ទាទោស ដាក់គុកម្នាក់ៗ រយៈពេល ២ និង៦ឆ្នាំ និងពិន័យជា ប្រាក់ម្នាក់ៗ ចំនួន៥លានរៀល និងត្រូវបានចាប់ខ្លួន កាលកំឡុងខែមីនា ឆ្នាំ២០១៤៕

ដកស្រង់ពី៖ ដើមអម្ពិល