រថយន្ដក្រុងបុក ចូលផ្ទះប្រជាពលរដ្ឋ នៅក្បែរសាលា ស្រុករលាប្អៀរ ស្លាប់ម្នាក់ និងរបួស៣នាក់

សេចក្ដីលម្អិត

ជំពូក៖ ព័ត៌មានសន្តិសុខសង្គម

កំពង់ឆ្នាំង ៖ រថយន្ដក្រុងមួយគ្រឿង មិនទាន់ដឹងថា ជារបស់ ក្រុមហ៊ុនណានោះ បានបើកបុកចូលផ្ទះ ប្រជាពលរដ្ឋ លក់ឥវ៉ានចាប់ហួយ នៅតាមបណ្ដោយ ផ្លូវជាតិលេខ៥ ក្បែរសាលា ស្រុក រលាប្អៀរ កាលពី វេលាម៉ោង ១១ ព្រឹក ថ្ងៃទី ២៨ ខែកុម្ភៈ ឆ្នាំ២០១៥ បណ្ដាលឱ្យស្រ្តី ជាម្ចាស់ផ្ទះម្នាក់ ស្លាប់និងរបួស៣នាក់ ។

មេបញ្ជាការ អាវុធហត្ថ ខេត្ដកំពង់ឆ្នាំង លោកឧត្ដមសេនីយ៍ ជួន ជឿន បានបញ្ជាក់ តាមទូរស័ព្ទថា ពិតជាមានករណី គ្រោះថ្នាក់ចរាចរណ៍ខាងលើនេះមែន បណ្ដាឱ្យ ម្ចាស់ផ្ទះម្នាក់ស្លាប់ និងមានរបួស៣នាក់ ប៉ុន្ដែលោកមិនទាន់ ទទួលបាន ព័ត៌មានលំអិត នៅឡើយទេ ខណៈមន្ដ្រីរបស់លោក និងនគរបាល កំពុងចុះទៅកាន់ កន្លែងកើតហេតុ ។

បើតាមលោក ជួន ជឿន រថយន្តក្រុងខាងលើ បានធ្វើដំណើរ ពីភ្នំពេញ ឆ្ពោះទៅខេត្តបាត់ដំបង ប៉ុន្តែមិនទាន់ដឹងថា ជារបស់ក្រុមហ៊ុនណានៅឡើយទេ៕

ដកស្រង់ពី៖ ដើមអម្ពិល