ក្រុម​ចោរ​ខ្ទើយ​អស់​លាក់​ជាប់អន្ទាក់​ប៉ូលិស ពេល​ធ្វើ​សកម្មភាព​បើកទ្វារ​រថយន្ត​យក​កាបូប​លុយ

សេចក្ដីលម្អិត

ជំពូក៖ ព័ត៌មានសន្តិសុខសង្គម

រាជធានីភ្នំពេញ៖ ក្រុមចោរខ្ទើយ ចំនួន៣នាក់ ត្រូវបានសមត្ថកិច្ច ប៉ូលិសល្បាត ធ្វើការឃាត់ខ្លួនភ្លាមៗ ខណៈពេលធ្វើសកម្មភាព បើកទ្វាររថយន្ត យកកាបូបលុយ របស់បុរសម្នាក់ កំពុងឈប់រថយន្ត ជិតប្រលានយន្តហោះ  ភ្នំពេញអន្តរជាតិ ចាំបងប្អូន ឃើញដូចនេះ ក្រុមជនសង្ស័យ បានប្រើល្បិចញ៉ែ ម្ចាស់រថយន្ត ហើទុកឲ្យ បក្ខពួកម្នាក់ទៀត ធ្វើសកម្មភាព បើកទ្វាររថយន្ត លួចយកកាបូប បានសម្រេច រីឯបក្ខពួកម្នាក់ទៀត ចាំលើម៉ូតូ នៅពេលធ្វើសកម្មភាព បានសម្រេចក៏ជិះម៉ូតូ គេចខ្លួនអស់តែម្តង ។

ភ្លាមៗនោះ ដោយមានការសង្ស័យ បុរសរងគ្រោះ បានមើលក្នុងរថយន្ត ក៏ប្រទះឃើញ បាត់កាបូបដាក់ឯកសារ ដែលនៅក្នុងនោះ មានលុយចំនួន ជាង១លានរៀល រួមទាំងឯកសារសំខាន់ ទើបស្រែកឆោឡោផ្ អើលដល់សមត្ថកិច្ច ជួយអន្តរាគមន៍ ក៏ប្រទះឃើញក្រុមជនសង្ស័យ ទាំង៣នាក់ ជិះម៉ូតូអាយខុន ពណ៌ក្រហម លាយស ដែលជាភិនភាគដែល ជនរងគ្រោះផ្តល់ឲ្យ ក៏ធ្វើការឃាត់ខ្លួនតែម្តង ។

ហេតុការណ៍នេះ បានកើតឡើង កាលវេលាម៉ោង ៩ និង៤០ នាទីយប់ ថ្ងៃទី០៣ ខែមីនា ឆ្នាំ២០១៥ ស្ថិតក្នុង ភូមិព្រៃព្រីងខាងជើង ក្នុងសង្កាត់ចោមចៅ ខណ្ឌពោធិ៍សែនជ័យ ៕

ដកស្រង់ពី៖ កោះសន្តិភាព