ចោរប្រដាប់អាវុធចូលប្លន់អាជីវករលក់មាសនៅផ្សារស្ទោងអស់ជាង១០០តម្លឹង
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ខេត្តកំពង់ធំ ៖ ក្រុមចោរប្រដាប់ កាំភ្លើងអាការ ៤ដើម បានសម្រុកចូលប្លន់ អាជីវករលក់មាស នៅក្នុងផ្សារស្ទោង អស់ចំនួន៣ទូរ យកបានមាសជាង ១០០តម្លឹង និងប្រាក់ ៩,០០០ដុល្លា រួចនាំគ្នាគេចខ្លួន ចូលក្នុងព្រៃបាត់តែម្តង ។
ហេតុការណ៍នេះ បានកើតឡើងនៅ វេលាម៉ោង៣ និង៣០នាទីរសៀល ថ្ងៃទី០៨ ខែមិនា ឆ្នាំ២០១៥ ។ យ៉ាងណានោះ កងកំលាំងប្រដាប់អាវុធ ទាំង៣ប្រភេទមាន កងរាជអាវុធហត្ថ នគរបាល និងកំលាំងសឹករង កំពុងធ្វើការ ឡោមព័ទ្ធព្រៃ រហូតដល់យប់ នៅតែមិនទាន់រកឃើញ ក្រុមចោរប្រដាប់អាវុធ នៅឡើយនោះទេ ។
ជាមួយគ្នានោះ ប្រជាពលរដ្ឋ នៅក្នុងខេត្ត កំពង់ធំ ជាពិសេសគឺ ក្រុមអាជីវករ លក់មាសតែម្តង មានការព្រួយបារម្មណ៍ យ៉ាងខ្លាំងពីសុវត្ថិភាព របស់ពួកគាត់ ដោយសារតែករណី ចោរប្លន់អាជីវករលក់មាស នៅក្នុងខេត្តកំពង់ធំ កំពុងតែកក្រើក ឡើងវិញហើយ ក៏ពុំទាន់ឃើញសមត្ថកិច្ច បង្ក្រាបបាននៅឡើយ រហូតមកដល់ពេលនេះ ដូចជាករណីចោរប្លន់ អាជីវករលក់មាស នៅស្រុកបារាយណ៍ ទើបតែកើតឡើង ក្តៅៗសោះ ស្រាប់តែមកប្លន់ អាជីវករលក់មាស នៅស្រុកស្ទោងទៀត ។
ហើយប្រជាពលរដ្ឋ បានរិះគន់ថា បើលើកនេះសមត្ថកិច្ច បង្ក្រាបមិនបាន ក្រុមចោរទៀតនោះ មិនដឹងថាពួកចោរ វាខ្លាំងឬមួយក៏ សមត្ថកិច្ចអន់នោះទេ ៕
ដកស្រង់ពី ៖ កោះសន្តិភាព