អតីតអនុរដ្ឋលេខាធិការ ក្រសួងយុត្តិធម៌ ជាប់គុក ២ឆ្នាំ ៦ខែ ពាក់ព័ន្ធរឿងដី ប្រមាណ ១ ពាន់ហិកតា នៅខេត្តមណ្ឌលគិរី
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
លោក សេង សុវណ្ណារ៉ា អតីតអនុរដ្ឋលេខាធិការ ក្រសួងយុត្តិធម៌ ពាក់ព័ន្ធដីរដ្ឋ ប្រមាណ ១ ពាន់ហិកតា នៅខេត្តមណ្ឌលគិរី ត្រូវបានតុលាការ ប្រកាសសាលក្រម ឱ្យជាប់ពន្ធនាគារ ២ឆ្នាំ ៦ខែ ។
សូមរំលឹកថា លោក សេង សុវណ្ណារ៉ា ត្រូវបានតុលាការ ឃុំខ្លួនបណ្តោះអាសន្ន កាលពីថ្ងៃទី២៧ ខែមិថុនា ឆ្នាំ២០២០ ដោយចោទពីបទសមគំនិត ក្នុងអំពើធ្វើឱ្យប៉ះពាល់ កម្មសិទ្ធិ នៃទ្រព្យសម្បត្តិសាធារណៈ និងបទសម្លុតគំរាម កុំឱ្យដាក់ពាក្យបណ្តឹង ប្រព្រឹត្តនៅខេត្តមណ្ឌលគិរី កាលពីអំឡុងឆ្នាំ២០១៨ ដល់ឆ្នាំ២០២០។ ក្រោយពីឃុំខ្លួន ជនជាប់ចោទ សេង សុវណ្ណារ៉ា និងបក្ខពួក ៣ នាក់ ត្រូវបានតុលាការភ្នំពេញ បើកសវនាការ ជម្រះសំណុំរឿងនេះ។ មកដល់ថ្ងៃទី១៤ កញ្ញា ២០២១ តុលាការ បានប្រកាសសាលក្រម ឱ្យឈ្មោះ សេង សុវណ្ណារ៉ា ជាប់ពន្ធនាគារ ២ ឆ្នាំ ៦ ខែ ។ រីឯបក្ខពួក ៣ នាក់ទៀត ឱ្យជាប់ពន្ធនាគារ ម្នាក់ៗ ២ ឆ្នាំ៕/V
ដកស្រង់ពី៖ រស្មីកម្ពុជា