សមត្ថកិច្ចចុះបង្ក្រាបទីតាំងតារាងបាល់បង្កប់ល្បែងស៊ីសងខុសច្បាប់ឃាត់ខ្លួនមនុស្ស២នាក់
- សេចក្ដីលម្អិត
- ជំពូក៖ ព័ត៌មានសន្តិសុខសង្គម
ទីតាំងតារាងបាល់មួយកន្លែងក្នុងមូលដ្ឋានខណ្ឌទួលគោកដែលបង្កប់ល្បែងស៊ីសងខុសច្បាប់ បង្កឲ្យមានសំឡេងខ្លាំងៗប៉ះពាល់ដល់អ្នកជិតខាងត្រូវបានកម្លាំងសមត្ថកិច្ចចុះបង្ក្រាបហើយឃាត់មនុស្ស២នាក់ផងដែរ។
ប្រតិបត្តិការចុះបង្ក្រាបនេះធ្វើឡើងកាលពីរសៀលថ្ងៃទី២០ ខែកញ្ញា ឆ្នាំ២០២១ ស្ថិតនៅតាមបណ្តោយផ្លូវបេតុង ក្នុងភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ។ នាយផ្នែកព្រហ្មទណ្ឌខណ្ឌទួលគោក បានឱ្យដឹងថា៖ កម្លាំងសមត្ថកិច្ចជំនាញ ដឹកនាំដោយលោក សឿ ឡងឌី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះឃាត់ខ្លួនមនុស្សស្រីចំនួន២នាក់ យកមកសាកសួរ នៅអធិការដ្ឋាននគរបាលខណ្ឌ ដើម្បីបន្តនីតិវិធី ។ បច្ចប្បន្នជនសង្ស័យដែលត្រូវបានកម្លាំងសមត្ថកិច្ចឃាត់ខ្លួន ត្រូវបានបញ្ជូនទៅកាន់អធិការដ្ឋាននគរបាលខណ្ឌទួលគោក ដើម្បីធ្វើការសាកសួរបន្ត៕
ដកស្រង់ពី៖ រស្មីកម្ពុជា