រថយន្តកាមរី បុកម៉ូតូ នៅលើផ្លូវជាតិលេខ៦ រងរបួសធ្ងន់២នាក់

សេចក្ដីលម្អិត

ជំពូក៖ ព័ត៌មានសន្តិសុខសង្គម

កំពង់ធំ៖ មានករណីគ្រោះថ្នាក់ ចរាចរណ៍មួយ បានកើតឡើង រវាងរថយន្តកាមរី ១គ្រឿង បានបុកម៉ូតូ ១គ្រឿង បណ្ដាលឲ្យមនុស្សចំនួន ២នាក់ រងរបួសធ្ងន់ធ្ងរ ករណីនេះកើត ឡើង នៅវេលាម៉ោង១០ និង ៥០នាទី យប់ថ្ងៃទី២០ ខែវិច្ឆិកា ឆ្នាំ២០១៧ នៅលើផ្លូវជាតិលេខ៦ ស្ថិតក្នុងភូមិសានគរ(ខ) ឃុំសានគរ ស្រុកកំពង់ស្វាយ ខេត្តកំពង់ធំ ។

   នគរបាលចរាចរណ៍ស្រុក បានឲ្យដឹងថា រថយន្តកាមរី ពណ៌ផ្ទៃមេឃ ស្លាកលេខ ឃ.៨៨៩៤ ភព២ បើកបរពីកើតទៅលិច (អ្នកបើកបរមិនស្គាល់អត្តសញ្ញាណគេចខ្លួន) ។ ចំណែកម៉ូតូ ម៉ាកហុងដាC125 ពណ៌ខ្មៅ ស្លាកលេខកំពង់ធំ 1X-7232 បើកបរពីលិចទៅកើត បើកដោយ ឈ្មោះ ចាន់ សាវឿន ភេទប្រុស អាយុ២៣ឆ្នាំ នៅភូមិស្រែធ្នង់ ឃុំរមណី ស្រុករវៀង ខេត្តព្រះវិហារ អ្នករួមដំណើរមិនស្គាល់ឈ្មោះ  ។

នគរបាលបញ្ជាក់ថា គ្រោះថ្នាក់ចរាចរណ៍នេះ កើតឡើងដោយសារអ្នកបើកបររថយន្ត វ៉ាជែងក្នុងស្ថានភាពគ្រោះថ្នាក់ ។ ក្រោយដល់កន្លែងកើត សមត្ថកិច្ចបានបញ្ជូនអ្នករបួស ទៅសង្គ្រោះនៅឯ មន្ទីរពេទ ។ ចំណែកវត្ថុតាងរក្សាទុក នៅអធិការដ្ឋាន នគរបាលស្រុកកំពង់ស្វាយ ៕

ដកស្រង់ពី៖ដើមអម្ពិល