ស្រវឹងស្រា បើករថយន្ត បុកម៉ូតូ របួសធ្ងន់បុរសម្នាក់

សេចក្ដីលម្អិត

ជំពូក៖ ព័ត៌មានសន្តិសុខសង្គម

ភ្នំពេញ ៖ បុរសម្នាក់បើក រថយន្តលឿន ក្នុងស្ថានភាព ស្រវឹងស្រា ជ្រុលចង្កូតបុកម៉ូតូ ពីក្រោយ ពេញទំហឹងបណ្ដាលឲ្យអ្នកជិះ ម៉ូតូប៉ើងជាង១០ម៉ែត្រ រងរបួសធ្ងន់ កាលពីវេលាម៉ោង ១និង៥០ នាទី រំលងអធ្រាត្រថ្ងៃទី២១ ខែវិច្ឆិកា ឆ្នាំ២០១៧ តាមបណ្ដោយ ផ្លូវព្រះស៊ីសុវតិ្ថ  ស្ថិតក្នុងសង្កាត់ផ្សារកណ្ដាល១ ខណ្ឌដូនពេញ ។

 តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេបានឃើញរថយន្ត ១គ្រឿង ម៉ាកព្រូស ពណ៌ទឹកប្រាក់ ពាក់ស្លាក ភ្នំពេញ 2x-4030 បើកបរដោយបុរសម្នាក់ ស្រវឹងស្រា ធ្វើដំណើរតាមបណ្ដោយផ្លូវព្រះស៊ីសុវតិ្ថ ក្នុងទិសដៅពីត្បូងទៅជើង លុះមកដល់ ចំណុចកើតហេតុខាងលើបានបុកម៉ូតូ ១គ្រឿង ម៉ាកវីវ៉ាស្គុន ពាក់ស្លាកលេខ កណ្ដាល 1E-7171 ពីក្រោយពេញទំហឹង បណ្ដាលអោយអ្នកជិះម៉ូតូប៉ើងទៅបោកនឹងថ្នល់ រងរបួសធ្ងន់ ត្រូវបានរថយន្តសង្គ្រោះដឹកបញ្ចូនទៅមន្ទីរពេទ្យភ្លាមៗ។

ក្រោយពេលកើតហេតុ អ្នកបើករថយន្តត្រូវបានសមត្ថកិច្ច ឃាត់ខ្លួនបញ្ចូនទៅប៉ុស្តិ៍ នគរបាល ផ្សារកណ្ដាល១ ដើម្បីសួរនាំ។ ចំណែកម៉ូតូដែលរងកាខូចខាត ត្រូវបានសមត្ថកិច្ច ជំនាញ ចរាចរណ៍ជើងគោក វាស់វែងយកទៅរក្សារទុក នៅការិយាល័យ ចរាចរណ៍ជើងគោក នៃស្នងការដ្ឋាន នគរបាលរាជធានីភ្នំពេញ៕

ដកស្រង់ពី៖ដើមអម្ពិល