តាមទាន់ប្រពន្ធមានសាហាយ ប្តីប្តឹងសមត្ថកិច្ចឲ្យឃាត់ខ្លួន និងទាមទារសំណងបណ្ណាការ៥ពាន់ដុល្លារ តែប្រពន្ធបដិសេធ បង់ត្រឹម១១០០ដុល្លារ ដើម្បីបញ្ចប់រឿង

សេចក្ដីលម្អិត

ជំពូក៖ ព័ត៌មានសន្តិសុខសង្គម

(បន្ទាយមានជ័យ)៖ បុរសម្នាក់ត្រូវប្រពន្ធរបស់ខ្លួន លួចទៅមានសាហាយជាមួយបុរសជនជាតិចិន រួចក៏ប្តឹងទៅសមត្ថកិច្ច និងបានទារថ្លៃបណ្តាការចំនួន៥០០០ដុល្លារ តែប្រពន្ធបដិសេធ សុំបង់ត្រឹមតែ១១០០ដុលា្លរ ដើម្បីបញ្ចប់រឿង។

ករណីនេះត្រូវបានប្តីប្តឹងឲ្យសមត្ថកិច្ចឲ្យឃាត់ខ្លួននៅថ្ងៃទី២១ ខែមីនា ឆ្នាំ ២០១៨នេះ នៅក្នុងបន្ទប់ជួលមួយកន្លែង ក្នុងភូមិបាលិលេយ្យ១ សង្កាត់/ក្រុងប៉ោយប៉ែត ខេត្តបន្ទាយមានជ័យ។ បុរសដែលត្រូវប្រពន្ធផិតក្បត់ខាងនេះមានឈ្មោះ ស សុវណ្ណារ៉ូ អាយុ២១ឆ្នាំ មុខរបរធ្វើការក្នុងកាស៊ីណូ មានទីលំនៅសង្កាត់ផ្សារកណ្តាល។

លោកបានថ្លែងប្រាប់ភ្នាក់ព័ត៌មាន Fresh News ឲ្យដឹងថា ប្រពន្ធរបស់ខ្លួនឈ្មោះ ជីន ស្រីកែវ អាយុ១៩ឆ្នាំ រស់នៅភូមិសាមគ្គីមានជ័យ សង្កាត់កើតហេតុខាងលើ ដោយបានរៀបអាពិហ៍ពិពាហ៍ដោយស្របច្បាប់កាលពីខែធ្នូ ឆ្នាំ២០១៦ ប៉ុន្តែមួយរយៈពេលនេះថ្មីៗនេះ ប្រពន្ធរបស់ខ្លួន ចេះតែលួចចេញទៅក្រៅ ធ្វើឲ្យខ្លួនមានការសង្ស័យជាយូរណាស់មកហើយ តែរកភស្តុតាងមិនទាន់បាន ហើយខាងស្រីចេះតែប្រកែក លាក់បាំងពីខ្លួនរហូត។

បន្ទាប់ពីដាក់កសង្ស័យរួចមក ខ្លួនបានតាមដាន ក៏ដឹងថា ប្រពន្ធមានទំនាក់ទំនងស្នេហាជាមួយ បុរសជាជនជាតិចិន រហូតខ្លួនលួចភ្ជាប់ប្រព័ន្ធ GPS តាមដានជាន់កែង បានមែន ទើបទៅដាក់ពាក្យប្តឹងទៅសមត្ថកិច្ច ទាមទារសំណងបណ្ណាការចំនួន៥០០០ដុល្លារ តែនាងជាប្រពន្ធបដិសេធ និងព្រមឲ្យតែ១១០០ដុលា្លរតែប៉ុណ្ណោះ ដើម្បីបញ្ចប់រឿង។

បន្ទាប់ពីទទួលបានពាក្យបណ្តឹងរបស់បុរសខាងលើ សមត្ថកិច្ចបានហៅភាគីទាំងពីរ យកទៅសួរនាំនៅអធិការដ្ឋាននគរបាលក្រុងប៉ោយប៉ែត ដើម្បីដោះស្រាយតាមនីតិវិធីច្បាប់៕

ដកស្រង់ពី៖FRESH NEWS