Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

កម្លាំងនគរបាលខេត្តប៉ៃលិនបញ្ជូនជនសង្ស័យម្នាក់ទៅកាន់សាលាដំបូងខេត្ត ពីបទលួចម៉ូតូ

  • បោះពុម្ព

(ប៉ៃលិន)៖ នៅព្រឹកថ្ងៃទី០៨ ខែឧសភា ឆ្នា២០១៨នេះ កម្លាំងនគរបាលខេត្តប៉ៃលិនបានបញ្ជូនជនសង្ស័យម្នាក់ទៅកាន់សាលាដំបូងខេត្ត ពីបទលួចម៉ូតូម៉ាក់ Zoomer X របស់ស្រ្តីម្នាក់នៅចំណុចផ្សារបាកាត ក្នុងទឹកដីប្រទេសថៃ រីឯម៉ូតូបានប្រគល់អោយម្ចាស់ដើមវិញហើយ។

អធិការដ្ឋាននគរបាលស្រុកសាលាក្រៅបានឲ្យដឹងថានៅថ្ងៃទី០៧ ខែឧសភា ឆ្នាំ២០១៨ សមត្ថកិច្ចបានទទួលពាក្យបណ្តឹងពីជនរងគ្រោះឈ្មោះ ជុន សុភី ភេទស្រី អាយុ៣១ឆ្នាំ រស់នៅនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន មានមុខរបរជាអ្នកលក់ដូរនៅផ្សារបាកាដ (ប្រទេសថៃ) ដែលបានបាត់ម៉ូតូ១គ្រឿង ម៉ាក ZOOMER X ស៊េរីឆ្នាំ២០១៧ ពណ៌ផ្កាឈូកចាស់ អត់ស្លាកលេខ នៅចំណុចផ្សារបាកាត ក្នុងទឹកដីប្រទេសថៃ (ជាប់នឹងផ្សារព្រំ ប្រទេសកម្ពុជា)។

នគរបាលដដែលបានបន្ថែមទៀតថា ក្រោយពីបានទទួល ពាក្យបណ្ដឹងរួចកម្លាំងជំនាញបានចុះសហការជាមួយកម្លាំងប៉ុស្ដិ៍នគរបាលឃុំស្ទឹងកាច់ ដើម្បីធ្វើការរុករក ស្រាវជ្រាវរហូតឈានដល់ធ្វើការឃាត់ខ្លួនជនសង្ស័យបាន១នាក់ និងម៉ូតូចំនួន១គ្រឿង នៅចំណុច សំបុកចាបស្ថិតក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលជនសង្ស័យមានឈ្មោះ មាស សុខម៉ៅ ភេទប្រុស អាយុ ៣០ឆ្នាំ រស់នៅភូមិតាណាក ឃុំគុជដី ស្រុកមោងឬស្សី ខេត្តបាត់ដំបង។

ហើយនៅព្រឹកនេះសមត្ថកិច្ចជំនាញ បានបញ្ជូនជនសង្ស័យរូបនេះទៅកាន់សាលាដំបូងខេត្តដើម្បីចាត់ការតាមនិតិវិធីនៃច្បាប់បន្តរ ៕

ដកស្រង់ពី៖FRESH NEWS