លោក ឃួង ស្រេង ចុះសួរសុខទុក្ខ និងផ្តល់អំណោយដល់ប្រជាជនរងគ្រោះ ដោយអគ្គិភ័យ នៅខណ្ឌមានជ័យ

សេចក្ដីលម្អិត

ជំពូក៖ ព័ត៌មានសន្តិសុខសង្គម

(ភ្នំពេញ)៖ ប្រជាពលរដ្ឋរងគ្រោះ ដោយអគ្គិភ័យនៅតំបន់សំណង់មិនរៀបរយ ភូមិក្បាលទំនប់៣ សង្កាត់បឹងទំពុនទី២ ខណ្ឌមានជ័យ ចំនួន៣៥គ្រួសារ បានទទួលអំណោយពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈកាកបាទរាជធានីភ្នំពេញ ក្រោយពីផ្ទះរបស់ពួកគាត់ ត្រូវអគ្គិភ័យឆាបឆេះ នាព្រឹកព្រលឹម ថ្ងៃនេះ។

ពិធីប្រគល់អំណោយនេះធ្វើឡើង នារសៀលថ្ងៃអាទិត្យ ទី២៤ ខែមិថុនា នៅទីស្នាក់ការ ភូមិក្បាលទំនប់៣ផ្លូវ៦៥BT ក្រុមទី៥ ភូមិក្បាលទំនប់៣ សង្កាត់បឹងទំពុនទី២ ខណ្ឌមានជ័យ ក្រោមវត្តមាន លោក ឃួង ស្រេង អភិបាលរាជធានីភ្នំពេញ លោកអភិបាលរង និងអាជ្ញាធរដែនដីជាច្រើនរូបទៀត។

អំណោយដែលត្រូវប្រគល់ជូន ក្នុង១គ្រួសារទទួលបាន អង្ករចំនួន៣០គីឡូក្រាម មី១កេស ទឹកសុទ្ធ១កេស ទឹកស៊ីអ៊ីវ ១យួរ ទឹកត្រី ១យួរ ម៉ុង១ ភួយ១ កំសៀវទឹក១ ចានបាយ៥ ចានសម្លរ២ ស្លាបព្រា៥ វែក១ ចានកាធុន១ ធុងទឹកចំណុះ៨០លីត្រ១ តង់ចំនួន១និងថវិកាចំនួន១០ម៉ឺនរៀល។

បន្ទប់ពីនេះបើខ្វះខាតអ្វីទៀត អាចទៅទំនាក់នៅគណបក្សប្រជាជនកម្ពុជាខណ្ឌ សម្រាប់ការដោះស្រាយប្រចាំថ្ងៃ លោក ឃួង ស្រេង ក្នុងបានសម្តែងការសោគស្តាយ ដោយយើងខំជួយខ្លាំដែរ។ តែផ្លូវតូចចង្អៀចរថយន្តទឹកចូលមិនដល់។

គួរបញ្ជាក់ផងដែរថា កាលពីវេលាម៉ោង៥ព្រឹក ថ្ងៃអាទិត្យ ទី២៤ ខែមិថុនា ឆ្នាំ២០១៨ ស្ថិតនៅចំណុចសំណង់មិនរៀបរយ ផ្លូវ៦៥BT ក្រុមទី៥ ភូមិក្បាលទំនប់៣ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ មានគ្រោះអគ្គីភ័យមួយបានកើតឡើង ដោយបំផ្លាញផ្ទះថ្មចំនួន៦ខ្នង ផ្ទះដំបូលស័ង្កសី និងផ្ទះឈើ១៤ខ្នងផ្ទះដំបូលស័ង្កសី។

តែករណីអគ្គិភ័យនេះ មិនបានបង្កឲ្យគ្រោះថ្នាក់ដល់មនុស្សនោះទេ ដោយប្រើប្រាស់រថយន្តពន្លត់អគ្គិភ័យ សរុបចំនួន២៨គ្រឿង រួមមាន រថយន្តអគ្គិភ័យអាវុធហត្ថរាជធានីភ្នំពេញចំនួន ០៥គ្រឿង, រថយន្តអគ្គស្នងការដ្ឋាននគរបាលជាតិចំនួន ១៣គ្រឿង, រថយន្តក្រសួងមហាផ្ទៃចំនួន៣គ្រឿង, រថយន្តស្រាបៀរកម្ពុជា០១គ្រឿង, រថយន្តទីក្រុងកោះពេជ្រចំនួន២គ្រឿង និងរថយន្តជ្រោយចង្វារចំនួន៤គ្រឿង ទើបរលត់ទៅវិញ ១០០ភាគរយ នៅវេលាម៉ោង៦និង៣០នាទីថ្ងៃខែឆ្នាំដដែល ៕

ដកស្រង់ពី៖FRESH NEWS