Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ចាប់ខ្លួន៤នាក់ កាងគ្រឿងចក្រកាយឈូសឆាយដីនៅតំបន់គម្របព្រៃឈើ ក្នុងស្រុកព្រៃនប់ឆ្នាំ២០០២, អភិបាលខេត្តព្រះសីហនុ ព្រមានតាមចាប់ជនល្មើកាងដីអនាធិបតេយ្យ បញ្ជូនទៅកាន់តុលាការ

  • បោះពុម្ព

(ព្រះសីហនុ)៖ បន្ទាប់ពីបានចាប់ក្រុមកាងដីប្រដាប់អាវុធ នៅកោះក្របីស្រុក រួចត្រូវតុលាការចេញដីកាឃុំខ្លួនដាក់ពន្ធនាគាររូចមក នៅថ្ងៃទី២៧ ខែវិច្ឆិកា ឆ្នាំ២០១៨នេះ សមត្ថកិច្ចស្រុកព្រៃនប់ បានធ្វើការឃាត់ខ្លួន ក្រុមជើងខ្លាំងចំនួន៤នាក់ផ្សេងទៀត ដែលធ្វើសកម្មភាពកាងដីនៅតំបន់ភូមិពូធឿង ឃុំបិតត្រាំង ស្រុកព្រៃនប់ យកមកសួរនាំ ដែលពួកគេបានកាងដីអោយ ឈ្មោះ ថៃ ធីគាវ ក្នុងការឈូសឆាយដោយគ្មានច្បាប់ ព្រោះតែអាងអ្នកមានអំណាចនៅពីក្រោយខ្នង។

ការឃាត់ខ្លួនជនទាំង៤នាក់នេះ បានធ្វើឡើងបន្ទាប់ពីក្រុមនេះ បានទៅកាងគ្រឿងចក្រកាយឈូសឆាយដីនៅតំបន់គម្របព្រៃឈើឆ្នាំ២០០២ ស្ថិតនៅតំបន់ភូមិពូធឿង ឃុំបិត្រាំង ស្រុកព្រៃនប់ ខេត្តព្រះសីហនុ កាលពីថ្ងៃទី២៦ ខែវិច្ឆិកា ឆ្នាំ២០១៨ នេះដោយសំអាងថា ដីនេះមានបណ្ណ័តាំងពីឆ្នាំ១៩៩៦។

មន្រ្តីសាលាខេត្តព្រះសីហនុ បានប្រាប់បណ្តាញព័ត៌មាន Fresh News នៅរសៀលថ្ងៃនេះថា ប័ណ្ណទាំងនេះមានឈ្មោះ ហាក់ដូចជាឈ្មោះចិន ស្រដៀងគ្នានឹងប័ណ្ណសំគាល់សិទ្ធិដែលកន្លងមក គេនិយាយតៗគ្នាថា ជាប្លង់ដែលចិនតៃវ៉ាន់ធ្វើលាងលុយកាលពីជំនាន់ទស្សវត្សរ៍៩០ប៉ុណ្ណោះ។

មួយវិញទៀត ប័ណ្ណទាំងនេះត្រូវបាននិរាកណ៏អស់ទៅហើយ បន្ទាប់ពីរដ្ឋាភិបាលបានដាក់តំបន់នេះជាតំបន់គម្របព្រៃឈើឆ្នាំ២០០២មក។ ប៉ុន្តែប័ណ្ណនេះត្រូវបានអ្នកមានលទ្ធភាពមួយចំនួន នៅតែយកមកប្រើក្នុងការកាន់កាប់ដីនេះដែរ។ លោក យន្ត មីន អភិបាលខេត្តព្រះសីហនុ បានព្រមានថា លោកនឹងចាត់វិធានការក្តៅតាមច្បាប់ដោយគ្មានការលើកលែងឡើយ ទោះជាអ្នកនោះជានណាក៏ដោយ។ គួររំលឹកថា កន្លងមករដ្ឋបាលខេត្តព្រះសីហនុ បានប្រើវិធានការច្បាប់ក្រុមអានាធិបតេយ្យ និងអ្នកកាងអាងខ្នងបង្អែក អ្នកមានអំណាចនៅពីក្រោយខ្នង បានជាច្រើនករណីមកហើយ។

ចំពោះក្រុមទាំង៤នាក់នេះដែរ សមត្ថកិច្ចស្រុកព្រៃនប់ កំពុងកសាងសំណុំរឿងបញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីចាត់ការបន្តនៅរសៀលថ្ងៃទី២៧ ខែវិច្ឆិកា ឆ្នាំ២០១៨នេះ។

លោក ហួ យ៉ៃ អធិការនគរបាលស្រុកព្រៃនប់ បានឲ្យដឹងថា ជនល្មើសទាំង៤នាក់នេះរួមមាន៖ *ទី១៖ ឈ្មោះ ណន គឹមឆេង អាយុ៤៨ឆ្នាំ ស្រុកកំណើតឃុំគងជ័យ ខេត្តកំពង់ចាម សព្វថ្ងៃរស់នៅខេត្តកំពង់ស្ពឺ *ទី២៖ ឈ្មោះ នួន ហាន់ អាយុ៤៣ឆ្នាំ មុខរបរទាហានសិករងព្រៃវែង *ទី៣៖ ឈ្មោះ សិន រដ្ឋា អាយុ៣៦ឆ្នាំ មុខរបរទាហាន ស្រុកកំណើតខេត្តកំពង់ចាម សព្វថ្ងៃរស់នៅភ្នំពេញ *ទី៤៖ ឈ្មោះ សំ កំសាន អាយុ៦៥ឆ្នាំ មុខរបរខាងវិស្វកម្ម រស់នៅខេត្តកំពត៕

ដកស្រង់ពី៖FRESH NEWS