ប្រកាសតែងតាំង ស្នងការ ស្នងការរង នៃស្នងការដ្ឋាន នគរបាល ខេត្តព្រះសីហនុ

សេចក្ដីលម្អិត

ជំពូក៖ ព័ត៌មានសន្តិសុខសង្គម

ព្រះសីហនុ៖ នៅព្រឹកថ្ងៃទី១៧ ខែមិថុនា ឆ្នាំ២០១៤ នៅស្នងការដ្ឋាន នគរបាល ខេត្តព្រះសីហនុ មានរៀបចំពិធី ប្រកាសស្នងការ នគរបាល ខេត្តព្រះសីហនុ ក្រោមអធិបតីភាព ឯកឧត្តម នាយឧត្តមសេនីយ៍ នេត សាវឿន អគ្គស្នងការ នគរបាលជាតិ និងឯកឧត្តម ឈិត សុខុន អភិបាលខេត្តព្រះសីហនុ ។

តាមប្រកាសរបស់ ក្រសួងមហាផ្ទៃ លេខ១៥៧៩ប្រក ចុះថ្ងៃទី១៩ ខែឧសភា ឆ្នាំ២០១៤ ចុះហត្ថលេខាដោយ ឯកឧត្តម ឧបនាយករដ្ឋមន្រ្តី  ស ខេង សំរេចតែងតាំង លោក ឧត្តមសេនីយ៍ត្រី  ស៊ាង  កុសល អត្តលេខ ០៤២៧ ស្នងការរង និងជាប្រធាន ការិយាល័យកណ្តាល សណ្តាប់ធ្នាប់ ជាស្នងការ ជំនួស លោក ឧត្តមសេនីយ៍ទោ តាក វណ្ណថា ដែលចូលនិវត្តន៍ និងប្រកាស លេខ១៦១៥ប្រក ចុះថ្ងៃទី ២៣ ខែឧសភា ឆ្នាំ២០១៤ សំរេចតាំងតាំង លោក វរសេនីយ៍ទោ អ៊ី សុខា នាយការិយាល័យ នគរបាលប្រឆាំងការជួញដូរមនុស្ស និងការពារអនិតិជន ជាស្នងការរង ជំនួសលោក ស៊ាង កុសល វិញ ៕