Warning: include(styles.php) [function.include]: failed to open stream: No such file or directory in /home/www/pditbaungkhmum.org/templates/as002035free/component.php on line 23

Warning: include() [function.include]: Failed opening 'styles.php' for inclusion (include_path='.:/usr/local/php5/lib/php') in /home/www/pditbaungkhmum.org/templates/as002035free/component.php on line 23

ឥទ្ធិពលស្រា និងភ្លើងប្រចណ្ឌ! បុរសម្នាក់កាប់សម្លាប់ប្រពន្ធ និងកូនប្រុសបង្កើត រងរបួសធ្ងន់ នៅស្រុកបរិបូរណ៌ ខេត្តកំពង់ឆ្នាំង

  • បោះពុម្ព

(កំពង់ឆ្នាំង)៖ បុរសម្នាក់បានលើកដៃកាប់ប្រហារសម្លាប់ប្រពន្ធ និងកូនបង្កើតបណ្ដាលឲ្យរងរបួសធ្ងន់ នៅយប់ថ្ងៃទី២១ ខែមេសា ឆ្នាំ២០១៩ ស្ថិតភូមិអណ្តូងរវៀង ឃុំអញ្ចាញរូង ស្រុកបរិបូរណ៌ ខេត្តកំពង់ឆ្នាំង ដោយសារតែឥទ្ធិពល នៃសុរា និងភ្លើងប្រចណ្ឌគ្រប់គ្រងលើខ្លួនប្រាណ។

របាយការណ៍របស់លោកឧត្តមសេនីយ៍ត្រី ប៉ុល វុទ្ធី ស្នងការរងទទួលផែនព្រហ្មទណ្ឌ ខេត្តកំពង់ឆ្នាំង បានឲ្យដឹងថា ហេតុការណ៍នេះបង្កឡើងដោយជនល្មើស ឈ្មោះ តូច ញ៉ន អាយុ៤១ឆ្នាំ រស់នៅភូមិ-ឃុំកើតហេតុខាងលើ បានយកពូថៅកាប់ទៅលើជនរងបណ្តាលឲ្យស្លាប់ និងរងរបួសធ្ងន់ មូលហេតុស្រវឹងស្រា និងមានការប្រចណ្ឌប្រពន្ធ។

លោកឧត្តមសេនីយ៍ត្រី ប៉ុល វុទ្ធី បានបញ្ជាក់ទៀតថា ជនរងគ្រោះទាំង២នាក់រួមមាន ទី១៖ឈ្មោះ សូ ធី អាយុ៤៦ឆ្នាំ ជាប្រពន្ធ ស្លាប់ភ្លាមៗនៅនឹងកន្លែងកើតហេតុ និងទី២៖ឈ្មោះ ញិប សុគន្ធ អាយុ០៩ឆ្នាំ រងរបួសធ្ងន់។ យ៉ាងណាក៏ដោយ ក្រោយពេលកើតហេតុជនល្មើសត្រូវបានកម្លាំងសមត្ថកិច្ចចាប់ខ្លួនបានភ្លាមៗផងដែរ ដើម្បីកសាងសំណុំរឿង បញ្ជូនទៅតុលាការផ្ដន្ទាទោសតាមច្បាប់៕

ដកស្រង់ពី៖FRESH NEWS