អ្នកចាំទី Iker Casillas នឹងមិនអាចត្រលប់ចូលទីលានប្រកបអាជីពបាលទាត់បានទៀតទេ បន្ទាប់ពីមានបញ្ហាគាំងបេះដូង។
នេះបើតាមការបញ្ជាក់របស់គ្រូពេទ្យបេះដូងអេស្ប៉ាញ។ កីឡាករសញ្ជាតិអេស្ប៉ាញបានរងបញ្ហាគាំងបេះដូង អំឡុងពេលហ្វឹកហាត់ជាមួយក្លឹប Porto កាលពីថ្ងៃពុធ ហើយត្រូវបានបញ្ជូនទៅមន្ទីរពេទ្យដើម្បីធ្វើការវះកាតភ្លាមៗ។ ការវះកាត់បានជោគជ័យ ហើយ Casillas បានបង្ហោះរូបខ្លួនឯងញញឹមប្រាប់ទៅអ្នកគាំទ្រថា គេមិនអីទេ។
Porto បានបង្ហោះសារមួយបញ្ជាក់ទៅអ្នកគាំទ្រថា៖ “Casillas ពេលនេះប្រសើរទេ ហើយបញ្ហាបេះដូងបានដោះស្រាយរួចរាល់”។ យ៉ាងណាមិញនៅពេលនេះលោក Juan Antonio Corbalan ដែលជាគ្រូពេទ្យបេះដូងបាននិយាយថា ពេលដែល Casillas ព្យាបាលជារួចរាល់គេនឹងមិនអាចលេងបាល់បានទៀតទេ ជាពិសេសអ្នកចាំទីតែម្ដង។ គេនឹងត្រលប់ទៅរស់នៅធម្មតា មិនអាចធ្វើជាកីឡាករបានទៀតទេ៕
ដកស្រង់ពី៖ Sabay