Petr Cech ត្រៀមចូលនិវត្តន៍ក្រោយសម្រេចបំណងបានប៉ះក្លឹបចាស់ Chelsea វគ្គផ្ដាច់ព្រ័ត្រ
- សេចក្ដីលម្អិត
- ជំពូក៖ ព័ត៌មានកីឡា
អ្នកចាំទីរបស់ Arsenal កីឡាករ Petr Ceck បាននិយាយថា វានឹងក្លាយជាសុបិនមួយបានប៉ះអតីតក្លឹបចាស់ Chelsea នៅវគ្គផ្ដាច់ព្រ័ត្រ Europa League ក្នុងការប្រកួតចុងក្រោយនៃអាជីពរបស់គេ។
កាំភ្លើងធំបានកក់កៅអីវគ្គផ្ដាច់ព្រ័ត្រក្នុងទីក្រុង Baku ប្រទេស Azerbaijan បន្ទាប់ពីយកឈ្នះសរុបទាំងពីរជើង ៧-៣ ក្នុងវគ្គពាក់កណ្ដាលផ្ដាច់ព្រ័ត្រលើក្រុម Valencia ហើយ Ceck គ្រោងនឹងចូលនិវត្តន៍ បន្ទាប់ពីវគ្គផ្ដាច់ព្រ័ត្រនេះចប់។ និយាយប្រាប់ BT Sport កំពូលអ្នកចាំទីខាងលើថា៖ “វានឹងក្លាយជារឿងអស្ចារ្យដែលបានបញ្ចប់អាជីពលេងទល់នឹង Chelsea។
ក្ដីសុបិនចុងក្រោយគឺបានលេងនៅ Europa League ផ្ដាច់ព្រ័ត្រ ហើយពេលនេះវាក្លាយជាការពិតហើយ។ ពេលនេះក្ដីសុបិនបន្តគឺឈ្នះពាន។ Ceck បន្តថា៖ "អ្នកមានពេលវេលា ពេលដែលអ្នកលេងល្អ ហើយអ្នកគិតថាអ្នកគួរតែបន្ត។ ប៉ុន្តែខ្ញុំគិតថា ខ្ញុំបានធ្វើការសម្រេចចិត្តជាមួយការគិតជាច្រើន។ ខ្ញុំគួរតែបន្តទៅ២ឆ្នាំទៀត ប៉ុន្តែខ្ញុំនឹងចូលនិវត្តន៍មុនពេលវេលានេះ"៕
ដកស្រង់ពី៖ Sabay