ប្រសិនបើ De Gea ចេញពី Man Utd មែន អ្នកចាំទីម្នាក់នេះអាចនឹងមកជំនួស
- សេចក្ដីលម្អិត
- ជំពូក៖ ព័ត៌មានកីឡា
ក្លឹប Manchester United ទទួលបានដំណឹងដ៏ពិសេសមួយថា អ្នកចាំទី Jan Oblak ចង់ចូលរួមជាមួយពួកគេ នៅរដូវក្ដៅនេះ។
Man Utd កំពុងតែបញ្ចុះបញ្ចូល David De Gea ឲ្យផ្លាស់ទៅក្លឹបជើងឯករបស់បារាំង Paris Saint-Germain និងហ៊ានឲ្យប្រាក់លើកទឹកចិត្ត២០លានផោនបន្ថែមទៀត។ កុងត្រារបស់អ្នកចាំទីសញ្ជាតិអេស្ប៉ាញរូបនេះនឹងអស់នៅរដូវកាលក្រោយ ដូច្នេះបិសាចក្រហមចង់លក់គេពេលនេះឲ្យហើយ ល្អជាងគេចាកចេញទាំងមិនបានលុយ។
ប្រសិនមានការចាកចេញមែន អ្នកចាំទី Oblak របស់ក្លឹប Atletico Madrid ត្រូវបានគេមើលឃើញថាជាអ្នកជំនួសដ៏ល្អបំផុត។ ប៉ុន្តែ United ត្រូវចំណាយ១០៧លានផោន ក្នុងការទិញផ្ដាច់កុងត្រារបស់កីឡាករសញ្ជាតិស្លូវ៉ានី ដើម្បីយកគេចេញពីប្រទេសអេស្ប៉ាញ។ បើតាម ESPN ថា Oblak វ័យ២៦ឆ្នាំជាអ្នកគាំទ្ររបស់ United តាំងពីក្មេង និងយល់ព្រមផ្ទេរទៅកាន់ Old Trafford រំលង PSG៕
ដកស្រង់ពី៖ Sabay