PSG បើកផ្លូវឲ្យ Neymar ដើរចេញពេញទី តែសំខាន់ត្រូវថ្លៃគ្នាសិន
- សេចក្ដីលម្អិត
- ជំពូក៖ ព័ត៌មានកីឡា
នាយកផ្នែកកីឡាកររបស់ក្លឹប Paris Saint-Germain លោក Leonardo បានរៀបចំឲ្យ Neymar ចាកចេញក្នុងរដូវក្ដៅនេះ ប្រសិនមានសំណើត្រូវថ្លៃគ្នា។
ខ្សែប្រយុទ្ធសញ្ជាតិប្រេស៊ីលកំពុងមានទំនាក់ទំនងត្រលប់ទៅកាន់ក្លឹបចាស់ Barcelona វិញ ហើយពេលនេះមិនព្រមចូលមកហ្វឹកហាត់វិញជាមួយក្រុម ដើម្បីត្រៀមលេងប្រកួតមិត្តភាពត្រៀមបើករដូវកាល។
ទាក់ទិននឹងរឿងនេះលោក Leonardo បានលើកឡើងថា៖ “វាច្បាស់ណាស់សម្រាប់គ្រប់គ្នា។ ក្នុងបាល់ទាត់ យើងអាចនិយាយអញ្ចេះនៅថ្ងៃនេះ ហើយធ្វើអញ្ចោះនៅថ្ងៃផ្សេង"។ Leonardo បានបញ្ជាក់បន្តថា៖ “ពួកយើងបានពិភាក្សាជាមួយអ្នកតំណាងរបស់គេ (Neymar)។
រឿងមួយដែលច្បាស់លាស់ពេលនេះគឺ Neymar សល់កុងត្រា៣ឆ្នាំទៀតជាមួយពួកយើង។ ហើយពួកយើងមិនទាន់ទទួលសំណើណាមួយដាក់មកលើគេនៅឡើយ។ Neymar អាចចាកចេញពី PSG ប្រសិនជាត្រូវថ្លៃគ្នា៕
ដកស្រង់ពី៖ Sabay