Frank Lampard នឹងដឹកនាំ Chelsea ដោយគ្មានដំបូន្មានអតីតគ្រូទាំងអស់របស់ Chelsea។
គ្រូបង្វឹកវ័យក្មេងរបស់អង់គ្លេសបរាជ័យជាលើកទី១របស់ពួកគេក្រោមថ្វីជើងក្លឹបជប៉ុន Kawasaki Frontale ១-០។ Lampard បាននិយាយថា "ខ្ញុំមិនលើកទូរស័ព្ទតេទៅ Carlo Ancelotti ដើម្បីសួរគាត់អំពីស្ថានភាព ព្រោះវាអាចនឹងខុសគ្នាខ្លាំងពីស្ថានភាព ដែលគាត់បានដោះស្រាយ។
ដូច្នេះ ខ្ញុំមិនស្វែងរកជំនួយច្រើនពីពួកគាត់ទេ"។“កុំវាយតម្លៃខ្ញុំខុស ខ្ញុំក៏បានផ្ញើសារទៅ Jose និង មានទំនាក់ទំនងយ៉ាងល្អជាមួយ Carlo។ Guus Hiddink [អតីតគ្រូ Chelsea មួយរូបដែរ] បានផ្ញើសារមកខ្ញុំសប្ដាហ៍នេះជាសារដ៏ល្អ។ ពួកគាត់សុទ្ធតែជាគ្រូបង្វឹកដែលខ្ញុំគោរព"។
“ប៉ុន្តែខ្ញុំបានព្យាយាមស្វែងយល់ដោយខ្លួនឯង និង តាមរយៈកីឡាកររបស់ខ្ញុំ។ ប្រសិនបើខ្ញុំមានអារម្មណ៍ថាចាំបាច់ ខ្ញុំនឹងទាក់ទង [សុំជំនួយ] ពីពួកគាត់ ប៉ុន្តែយើងត្រូវតែមានរបៀបដឹកនាំផ្ទាល់ខ្លួនរបស់យើង"។
Lampard ត្រូវមកទទួលរងការជាប់បម្រាមមិនឲ្យផ្ទេរកីឡាករនៅ Stamford Bridge ខណៈដែលតារាឆ្នើមរបស់ក្លឹបគឺ Eden Hazard ក៏បានចាកចេញ ស្របពេលដែលគូបដិបក្ខនៅ Premier League បានត្រៀមចំណាយយ៉ាងច្រើនសម្រាប់រដូវកាលថ្មីនេះ៕
ដកស្រង់ពី៖ Sabay