រឿងពិត David Luiz ទម្លាយមូលហេតុសុខចិត្តចេញពី Chelsea មក Arsenal
- សេចក្ដីលម្អិត
- ជំពូក៖ ព័ត៌មានកីឡា
ខ្សែការពារ David Luiz បាននិយាយថា គេចាកចេញពី Chelsea ចូលរួមជាមួយ Arsenal ព្រោះតែមហិច្ឆតានិងចង់ស្វែងរកបទពិសោធន៍ប្រកួតប្រជែងថ្មីមួយរបស់គេ។
កីឡាករវ័យ៣២ឆ្នាំបានបង្ហាញវត្តមានប្រកួតដំបូងឲ្យ Arsenal កាលពីថ្ងៃសៅរ៍ ក្នុងពាន Premier League ប្រកួតក្នុងផ្ទះឈ្នះ Burnleu ២-១ បន្ទាប់ពីគេផ្ទេរមកកាំភ្លើងធំនៅថ្ងៃចុងក្រោយនៃទីផ្សារដោះដូរកីឡាករ។ និយាយពីចំណាត់ថ្នាក់ PL រដូវកាលមុន Chelsea ឈរលេខ៣ ឯ arsenal នៅលេខ៥។
“ខ្ញុំគឺជាមនុស្សម្នាក់ដែលមានមហិច្ឆតា ហើយនេះជាហេតុផលដែលខ្ញុំផ្ទេរចេញ។ ខ្ញុំចូលចិត្តការប្រកួតប្រជែងថ្មី និងរឿងថ្មីក្នុងជីវិតរបស់ខ្ញុំ។ នេះគឺជាអ្វីដែលផ្ដល់ឱ្យខ្ញុំនូវអុកស៊ីហ្សែននិងផ្ដល់កម្លាំងចិត្តដល់ខ្ញុំ ហើយខ្ញុំក៏រីករាយនឹងពេលនេះដែរ"។
មុនបើករដូវកាលអ្នកចាត់ការថ្មីរបស់ Chelsea លោក Frank Lampard បានប្រាប់ Luiz ថា លោកមិនអាចធានាចំពោះតំណែងជម្រើសដំបូងរបស់គេបានទេ។ ហើយនេះក៏អាចហេតុផលធ្វើឲ្យកីឡាករសញ្ជាតិប្រេស៊ីលសម្រេចចាកចេញពីតោខៀវ៕
ដកស្រង់ពី៖ Sabay