រឿងអីមិនឈ្នះ! អ្នកគាំទ្រ Red Star បើករថក្រោះទៅចតក្នុងប្រកួតជម្រុះ UCL
- សេចក្ដីលម្អិត
- ជំពូក៖ ព័ត៌មានកីឡា
Red Star បានកក់កៅអីវគ្គចែកពូល UEFA Champions League ក្រោយប្រកួតស្មើ Young Boys ដោយលទ្ធផល១ទល់នឹង១កាលពីយប់មិញ។
កាលពីជើងទីមួយ ក្រុមជើងឯកពានទ្វីបអឺរ៉ុប១សម័យកាលបានស្មើ ២-២ នៅក្រៅដី ដូច្នេះលទ្ធផល ១-១ ក្នុងទឹកដីគ្រប់គ្រាន់ឲ្យ Red Star ឡើងទៅវគ្គចែកពូល Champions League សារជាថ្មី។ ក្នុងការប្រកួតនោះដែរអ្នកគាំទ្រ Ultra របស់ពួកគេបានយករថក្រោះទៅចតនៅបរិវេណកីឡដ្ឋានដើម្បីសំញែងគូប្រកួត និងអ្នកគាំទ្រក្រុមភ្ញៀវ។
រថក្រោះខាងលើផលិតនៅសហភាពសូវៀត ហើយធ្លាប់ត្រូវបានប្រើក្នុងសង្គ្រាម យូហ្គោស្លាវី អំឡុងទសវត្សឆ្នាំ៩០។ អ្នកគាំទ្របាននាំគ្នាលាបពណ៌រថក្រោះនោះទៅតាមពណ៌ឡូហ្គោរបស់ Red Star។ គូសបញ្ជាក់ថាកីឡដ្ឋានរបស់ Red Star ត្រូវគេចាត់ទុកជាកីឡដ្ឋានក៏គ្រោះថ្នាក់មួយដែលសល់ពីសម័យសង្គ្រាម។
ទីនោះមានការដាក់លួសបន្លា សំណាញ់ដែក ការគូសវាសលើជញ្ជាំង ដែលមើលមួយភ្លែតអាចច្រឡំថាគុកឃុំឃាំងអ្នកទោស៕
ដកស្រង់ពី៖ Sabay