Pogba ជំរុញឲ្យអ្នករើសអើងពណ៌សម្បុរ ចូលសាលា ដើម្បីទទួលយកការអប់រំ

សេចក្ដីលម្អិត

ជំពូក៖ ព័ត៌មានកីឡា

ក្រោយពីមានការរើសអើង និងការប្រមាថពូជសាសន៍ និងពណ៌សម្បុរលើកីឡាករមួយចំនួនក្នុងពេលកន្លងមក ជាពិសេសមកលើខ្សែប្រយុទ្ធបែលហ្សិកកីឡាករ Romelu Lukaku ខ្សែបម្រើសញ្ជាតិបារាំង Paul Pogba ក៏បានបង្ហោះសារមួយនៅលើបណ្ដាញ Instagram របស់ខ្លួន។

ក្នុងសារនោះមានខ្លឹមសារថា៖ " ការអប់រំជាកូនសោរមួយ។ វាមិនមែនគិតថា អ្នកចូលចិត្តសាលា ឬ អត់ទេ ចូលសាលាទៅរៀនទៅសូត្រឲ្យបានច្រើនទៅ។ វាជាវិថីមួយសម្រាប់អនាគតរបស់ជីវិតអ្នក " ។

ក្នុងពេលថ្មីៗនេះ រឿងរើសអើងពូជសាសន៍ និងពណ៌សម្បុរហាក់កើនឡើងច្រើនក្នុងបាល់ទាត់អឺរ៉ុប ដែលបណ្ដាលឲ្យស្ថាប័នបាល់ទាត់ធំៗខិតខំលើកកម្ពស់ការយល់ដឹងតាមរយៈការផ្សព្វផ្សាយតាមបណ្ដាញសង្គមជាដើម។

មជ្ឈដ្ឋានបាល់ទាត់ទូទៅ មិនថាកីឡាករ ឬ គ្រូបង្វឹកទេយល់ថា ការអប់រំជាជំហានមួយដ៏សំខាន់ក្នុងការលុបបំបាត់ការរើសអើងនេះ៕