គ្រូកម្ពុជា បញ្ជាក់ច្បាស់ៗ យប់នេះ បន្តឆន្ទៈលេងប្រយុទ្ធដដែល
- សេចក្ដីលម្អិត
- ជំពូក៖ ព័ត៌មានកីឡា
“ទោះជាប៉ះក្រុមខ្លាំងណាក៏ដោយ ពួកយើងនឹងលេងតាមរបៀបរបស់យើង ក្លាហាន ហានលេង និងឆន្ទៈប្រយុទ្ធជានិច្ច”។ សម្ដីរបស់លោក Felix គ្រូបង្វឹកកម្ពុជា មុនប៉ះក្រុមហុងកុងល្ងាចម៉ោង៦:៣០នាទីនេះ វគ្គជម្រុះ World Cup 2022 ។
កម្ពុជាមួយរយៈចុងក្រោយនេះ មិនមានប្រវត្តិយកឈ្នះលើក្រុមហុងកុងបាននោះទេ ប៉ុន្តែក៏មានឱកាសស៊ុតចូលក្រុមពោរពេញដោយកីឡាករកូនកាត់នេះដែរ។ បើធៀប FIFA Ranking គឺហុងកុង មានចំណាត់ថ្នាក់ល្អជាងកម្ពុជា ប៉ុន្តែចំណាត់ថ្នាក់នេះក៏មិនបានធ្វើឱ្យក្រុមកម្ពុជាខ្លាចមិនហានលេងប្រយុទ្ធឡើយ។
ផ្ទុយទៅវិញ លោក Felix ដែលជាគ្រូបង្វឹកនោះ បានប្រាប់ទៅកូនក្រុមឱ្យបន្ដលេងមិនខា្លច ហើយប្រយុទ្ធទៅលើក្រុមភ្ញៀវនេះដដែល។ គ្រូបង្វឹកសញ្ជាតិអាហ្សង់ទីននេះបានបញ្ជាក់បន្ថែមទៀតថាហុងកុងជាក្រុមដែលមានកាយសម្បទាធំជាងក្រុមកម្ពុជា ប៉ុន្តែចំណុចសំខាន់ក្រុមកម្ពុជានឹងព្យាយាមរក្សាការលេងបាល់តាមក្បួនរបស់ខ្លួនដដែល។ ក្រុមកម្ពុជានឹងបន្ដឆន្ទៈក្នុងការប្រយុទ្ធជានិច្ច ទោះបីប៉ះក្រុមណាក៏ដោយ៕
