Emmanuel ប្រាប់ហេតុផលពិសេសដែលអបអរស្ទីលរបស់ Ronaldo ឌឺអ្នកគាំទ្រ Real
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធរបស់ Club Brugge កីឡាករ Emmanuel Dennis បានប្រាប់ថា គេគឺជាអ្នកគាំទ្រម្នាក់របស់ Cristiano Ronaldo ដូច្នេះទើបចម្លងស្ទីលអបអររបស់ Idol ខ្លួន ពេលទាត់ចូលនៅកីឡដ្ឋាន Bernabeu។
កីឡាករសញ្ជាតិនីហ្សេរីយ៉ា រកបានពីរគ្រាប់ម្នាក់ឯង ជួយក្រុមស្មើគ្នាជាមួយ Real Madrid ២-២។ អំឡុងពេលទាត់ចូលគ្រាប់ទីពីរ Emmanuel បានអបអរតាមស្ទីលរបស់ Ronaldo នៅចំពោះមុខអ្នកគាំទ្ររបស់ Real Madrid ដើម្បីបញ្ឈឺចិត្ត។
ក្រោយចប់ការប្រកួតកីឡាករវ័យ២១ឆ្នាំបានប្រាប់ពីហេតុផលដែលគេធ្វើដូចនេះថា៖ “ខ្ញុំគឺជាអ្នកគាំទ្ររបស់ Cristiano ម្នាក់ជារៀងរហូត។ ខ្ញុំមិនសប្បាយចិត្តទេ ពេលដែលគេចាកចេញពី Madrid។ ដូច្នេះខ្ញុំសម្រេចចិត្តអបអរបែបនេះ ប្រសិនបើខ្ញុំទាត់ចូលនៅ Bernabeu”។
Emmanuel បញ្ជាក់ទៀតថា គ្រប់គ្នារំពឹង Real នឹងឈ្នះក្រុមរបស់គេស្រួល។ តែការពិតមិនដូច្នេះទេ ព្រោះតែពួកគេបានត្រៀមរួចរាល់ជាមួយភាពជឿជាក់និងអារម្មណ៍ល្អ៕
