មិត្តរួមក្រុមឆ្លង Covid-19 តើពេលនេះ Ronaldo ស្ថិតនៅឯណា?
- សេចក្ដីលម្អិត
- ជំពូក៖ ព័ត៌មានកីឡា
ខ្សែការពារ Daniele Rugani ត្រូវបានក្លឹប Juventus បញ្ជាក់ថាតេស្តវិជ្ជមានសម្រាប់មេរោគ Covid-19 បាត់ហើយ ខណៈដែលរូបគេផ្ទាល់ក៏បានថតជាមួយសមាជិកក្រុមក្រោយពេលឈ្នះ Inter Milan ផងដែរ។
កត្តាហើយ បានធ្វើឱ្យកីឡាករទាំងអស់ត្រូវបានក្រុម Juventus ឃាត់មិនឱ្យចាកចេញទៅណានោះទេ ដោយស្ថិតក្នុងការឃ្លាំមើលសិន។ ដោយឡែក សម្រាប់ខ្សែប្រយុទ្ធ Cristiano Ronaldo វិញ ត្រូវបានគេដឹងថាមិនបាននៅប្រទេសអ៊ីតាលីឡើយ។
បច្ចុប្បន្ននេះ រូបគេកំពុងស្នាក់នៅដែនកោះ Madeira ស្រុកកំណើតរបស់ខ្លួន នៅប្រទេសព័រទុយហ្គាល់ឯណោះ។ ការទៅទីនោះដែរ មានជម្រើស២ល្អសម្រាប់ កីឡាករកម្រិតពិភពលោកនេះ ដោយទី១អាចទៅមើលម្ដាយកំពុងឈឺផង និងមួយទៀតគេចពីប្រទេសអ៊ីតាលី ដែលកំពុងរងគ្រោះដោយសារតែ Covid-19 ខណៈដែលលីគកំពូលអ៊ីតាលីក៏បានសម្រាកដែរ៕