Jovic សុំទោស ចំពោះការល្មើសបញ្ជាឱ្យនៅក្នុងផ្ទះអំឡុង Covid-19
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធ Luka Jovic របស់ក្រុម Real Madrid ត្រូវបានអនុញ្ញាតឱ្យទៅប្រទេសសែបរបស់ខ្លួនវិញហើយ ប៉ុន្តែទៅដល់ទីនោះរូបគេត្រូវស្ថិតនៅក្នុងផ្ទះមិនឱ្យចាកចេញទៅណានោះទេ។
ការធ្វើបែបនេះ ដើម្បីធានាឱ្យបាន កុំឱ្យកីឡាករល្បីឈ្មោះម្នាក់នេះមានឆ្លងឬផ្ទុកមេរោគ Covid-19 ។ យ៉ាងណាមិញ អាជ្ញាធរ បានរាយការណ៍ថា Jovic មិនបានធ្វើតាមអ្វីដែលដាក់ទៅនោះទេ ពោលគឺរូបគេបានចេញទៅក្រៅ ដើម្បីចូលរួមពិធីជប់លៀងខួបកំណើតមិត្តស្រីរបស់ខ្លួន។
ចំពោះបញ្ហានេះដែរ សាមីខ្លួនបាននិយាយដូច្នេះថា៖ “ជាដំបូងខ្ញុំសុំទោស ចំពោះការធ្វើឱ្យមានបញ្ហាសម្រាប់អ្នករាល់គ្នា។ នៅម៉ាឌ្រីត លទ្ធផលតេស្ដ Covid-19 របស់ខ្ញុំគឺមិនមានមេរោគនោះទេ ដូច្នេះខ្ញុំក៏បានសម្រេចចិត្តធ្វើដំណើរមកសែប ដើម្បីលើកទឹកចិត្តប្រជាជាតិរបស់យើង និងស្ថិតនៅជាមួយក្រុមគ្រួសារ ដែលក្លឹប Real Madrid បានយល់ព្រម។
ខ្ញុំពិតជាសុំទោស ចំពោះអ្នករាល់គ្នាពិតមែន ដែលធ្វើឱ្យបារម្ភ។ ប៉ុន្តែនៅអេស្ប៉ាញ យើងអាចដើរទៅក្រៅបន្តិចបន្ដួចបាន តែនៅទីនេះ ពួកគេមិនធ្វើបែបនោះទេ”៕
