ក្លឹបនៅប្រេស៊ីល ត្រៀមជាស្រេច លះបង់កីឡដ្ឋានខ្លួនធ្វើជាមន្ទីរពេទ្យជួយអ្នកជំងឺ Covid-19
- សេចក្ដីលម្អិត
- ជំពូក៖ ព័ត៌មានកីឡា
ក្លឹបបាល់ទាត់នៅប្រទេសប្រេស៊ីលទាំងអស់ បានត្រៀមជាស្រេចក្នុងការឱ្យកីឡដ្ឋានរបស់ខ្លួនទៅរដ្ឋ ដើម្បីកែច្នៃធ្វើជាកន្លែងសម្រាកសម្រាប់អ្នកជំងឺដែលឆ្លង Covid-19 ។
ក្លឹបទាំងអស់បានបញ្ជាក់ថាពួកគេត្រៀមជាស្រេចក្នុងការជួយជ្រោមជ្រែងរដ្ឋាភិបាលក្នុងការគ្រប់គ្រងនិងប្រយុទ្ធប្រឆាំងជាមួយមេរោគ Covid-19 ។ ដោយតំណាងក្លឹបបាននិយាយបែបនេះទៀតថា៖ “កីឡដ្ឋានក្លឹបទាំងអស់ នឹងស្វាគមន៍ជានិច្ចសម្រាប់រដ្ឋដែលត្រូវការ ធ្វើជាកន្លែងព្យាបាលអ្នកជំងឺ Covid-19 ។
យើងនឹងផ្ដល់ជូន រហូតដល់ពួកគេលែងត្រូវការ”។ រំលឹកថានៅប្រេស៊ីល មានអ្នកឆ្លងសរុប៦០០នាក់ និង៦នាក់បានស្លាប់។ ស្ថិតក្នុងចំនួននេះ ប្រេស៊ីលមិនទាន់មានវិធានការធ្ងន់ធ្ងររហូតដល់បិទតំបន់អ្វីនៅឡើយទេ ដោយពួកគេបានណែនាំឱ្យប្រជាជនចេះការពារ អនាម័យខ្លួនឯង ដើម្បីគេចឱ្យផុតការឆ្លងមេរោគនេះ៕
