Ramsey៖ ខ្ញុំមិនដែលឃើញកីឡាករណា ប្រឹងហាត់ដូច Ronaldo នោះទេ
- សេចក្ដីលម្អិត
- ជំពូក៖ ព័ត៌មានកីឡា
Ramsey ខ្សែបម្រើដែលទើបផ្លាស់ទៅលេងនៅ Juventus នារដូវកាលនេះ បានបញ្ជាក់ថាខ្លួនមិនដែលឃើញនរណាម្នាក់ប្រឹងប្រែងហ្វឹកហាត់ដូច Cristiano Ronaldo នោះទេ។
អតីតកីឡាករ Arsenal ខាងលើបានផ្លាស់ទៅលេងនៅ Juventus ក្រោយពីអស់កុងត្រាជាមួយក្រុមកាំភ្លើងធំកាលពីរដូវកាលមុននេះ។ លេងនៅសេះបង្កង់រដូវកាលនេះ រូបគេមិនទាន់សម្របខ្លួនបាននៅឡើយទេ ប៉ុន្តែអ្វីដែលកីឡាករវែលមើលឃើញគឺសមត្ថភាពនិងការខិតខំប្រឹងប្រែងរបស់មិត្តរួមក្រុម Ronaldo តែម្ដង។
Ramsey បាននិយាយថា៖ “គាត់ជាអត្តពលិកពិសេស។ ដំបូងឡើយគាត់មកដល់ គឺតម្រង់ទៅរកកន្លែងហាត់ប្រាណ ហើយធ្វើវាជាប្រចាំតែម្ដង មុនទៅទីលានហ្វឹកហាត់។
គាត់ជាមនុស្សដែលចង់ឈ្នះគ្រប់ពេល។ មិនថាប្រកួតតូចឬធំ ឬមិត្តភាពនោះទេ។ អ្នកមិនបាច់ប្រាប់ខ្ញុំថា Ronaldo ល្អយ៉ាងណាឡើយ។ គាត់ជាកីឡាករដែលគ្រប់គ្នាសឹងមិនគួរឱ្យជឿថាមាននៅលើលោកនេះ”៕
