ម៉ឺន មេឃា សមត្ថភាពរឹតតែរីកចម្រើន ក្រោយអាចយកឈ្នះរៀមច្បង លី ភា
- សេចក្ដីលម្អិត
- ជំពូក៖ ព័ត៌មានកីឡា
កូនប្រុសលោក អេ ភូថង គឺ ម៉ឺន មេឃា ឥលូវនេះរឹតតែវ៉ៃបានល្អ មានសមត្ថភាពរីកចម្រើនខ្លាំងបន្ទាប់ពីអាចយកឈ្នះរៀមច្បង លី ភា កាលពីថ្ងៃសៅរ៍សប្ដាហ៍មុននាជំនួបមិត្តភាពជាតិនិងជាតិលើសង្វៀន CNC។
ចំពោះការប្រកួតជាមួយរៀមច្បង លី ភា នេះមិនសូវពិបាកនោះឡើយសម្រាប់ ម៉ឺន មេឃា អាចនិយាយបានថាឈ្នះពិន្ទុដាច់តែម្ដង។ ពីមួយប្រកួតទៅមួយប្រកួតកូនប្រុសលោក អេភូថង ខាងលើនេះធ្វើបានល្អទៅបានល្អទៅ និងសន្សំបទពិសោធបានច្រើនជាពិសេសកាលដែលរូបគេបានប៉ះបរទេស។
អាវុធរបស់ មេឃា ធ្ងន់ៗ កណ្ដាប់ដៃ ស្នៀតទាត់ជើងក្រោម ការវ៉ៃដោយប្រយោលនេះតែម្ដង។ ប៉ះជាមួយ លី ភា កាលពីថ្ងៃសៅរ៍នេះខ្លួនវ៉ៃដកវ៉ៃដកបានល្អ ស្របពេលដៃគូវ៉ៃមិនទាន់ និងត្រឹមដើរចូលប៉ុណ្ណោះ។
រំលឹកដែរថា កីឡាករ ម៉ឺន មេឃា ជាកូនសិស្ស និងជាកូនបង្កើតរបស់លោក អេ ភូថង នៃក្លឹបប្រដាល់សមាគមកីឡាក្រសួងកសិកម្ម។ ប្រកួតចុងក្រោយរបស់គេកាលពីថ្ងៃសៅរ៍ឈ្នះពិន្ទុលើ លី ភា នៅសង្វៀន CNC ៕
