ទោះបារាំងដាក់ប្រទេសក្នុងគ្រាអាសន្ន Neymar អាចមកប៉ារីសបានព្រោះតែរឿងនេះ
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធប្រេស៊ីលកីឡាករ Neymar នៅតែអាចមកប្រទេសបារាំងបាន ទោះជាសាធារណរដ្ឋមួយនេះ ស្ថិតក្នុងគ្រាអាសន្នក៏ដោយ នេះបើតាមការចុះផ្សាយរបស់សារព័ត៌មានបារាំង Le Parisien។
សារព័ត៌មាននេះបានដកស្រង់ការលើកឡើងរបស់ក្រសួងការបរទេសបារាំងកាលពីថ្ងៃអង្គារថា ជនបរទេសនៅតែអាចមកប្រទេសបារាំងបាន ទោះជាប្រទេសនេះបិទរហូតដល់ថ្ងៃទី១១ ខែឧសភាក៏ដោយ។
ការមកបាននេះ លុះត្រាតែមានលក្ខខ័ណ្ឌ ៣ចំនុច៖ ១. មានទីលំនៅអចិន្ត្រៃយ៍នៅប្រទេសបារាំង ២. មានលិខិតស្នាក់នៅអចិន្ត្រៃយ៍ដែលមានសុពលភាព (អត់ទាន់ហួសថ្ងៃ) ៣. ការត្រលប់មកវិញ ដោយយន្តហោះឯកជន។
ចំណែកឯ Neymar វិញ មានគ្រប់លក្ខខ័ណ្ឌរបស់គេទាំងអស់។ កាលពីខែមីនា កន្លងទៅ មានសេចក្ដីរាយការណ៍មួយបានឲ្យដឹងថា យន្តហោះ Neymar ត្រូវបានគេបញ្ជាឲ្យត្រលប់ទៅប្រេស៊ីលវិញភ្លាមៗក្រោយប្រទេសបារាំងដាក់ក្នុងភាពអាសន្ន៕
