កីឡាករ Real Madrid ​៧​នាក់ ​ត្រៀម​វ៉ៃ​ចេញ​នៅ​រដូវ​ក្ដៅ​ខាង​មុខ​នេះ​

សេចក្ដីលម្អិត

ជំពូក៖ ព័ត៌មានកីឡា

ក្រុម Real Madrid បានកំណត់ឈ្មោះកីឡាករ៧នាក់ ត្រៀមលក់ចេញនៅរដូវក្ដៅខាងមុខនេះ ដោយរំពឹងថានឹងទទួលបានប្រាក់ជាង១០០លានផោន។

Gareth Bale , James Rodriguez, Lucas Vazquez, Mariano Diaz, Alvaro Odriozola, Alphonse Areola និង Nacho Fernandez ជាកីឡាករទាំង៧នាក់ដែលក្រុមរបស់លោក Zidane ដាក់ក្នុងបញ្ជីលក់ចេញ។ លោករំពឹងថាការយកចេញកីឡាករទាំង៧នាក់នេះ នឹងអាចឱ្យកៅអីសម្រាប់កីឡាករថ្មីៗចូលក្រុមបាន។

មួយវិញទៀត ក្រុម Real Madrid ក៏រំពឹងពីការបានប្រាក់ជាង១០០លានពីការលក់ពួកគេនេះដែរ។ ក្រុម Real Madrid ហាក់ដូចជាចង់នាំយកកីឡាករក្មេងៗរបស់ខ្លួន ដែលទើបចេញចូលនិងដាក់ឱ្យក្លឹបដទៃខ្ចីជើងឱ្យចូលក្រុមវិញ ក្រោយពីឃើញពួកគេបង្ហាញទម្រង់លេងល្អ។

មួយវិញទៀត ការនាំយកកីឡាករក្មេងៗរបស់ខ្លួនមកជួយក្រុម គឺអាចជួយសន្សំសំចៃប្រាក់ដល់ក្លឹបបានច្រើន នៅគ្រាដែលមានវិបត្តិ Covid-19 ៕