ជាប់នៅក្នុងផ្ទះយូរ កីឡាករ Man Utd ខ្លះត្រូវឆ្កែខាំ ខ្លះរលាកដៃជើងពេលធ្វើម្ហូប
- សេចក្ដីលម្អិត
- ជំពូក៖ ព័ត៌មានកីឡា
កីឡាករមួយចំនួនរបស់ក្លឹប Manchester United ត្រូវបានរងគ្រោះថ្នាក់ក្នុងពេលចម្អិនអាហារ និងខ្លះទៀតត្រូវបានឆ្កែខាំកាលពីពេលថ្មីៗនេះ បើយោងតាមការបញ្ជាក់ពីគ្រូពេទ្យប្រចាំក្លឹបនេះផ្ទាល់គឺ លោក Steve McNally។
ករណីរងគ្រោះថ្នាក់ក្នុងពេលចម្អិនអាហារនេះ កើតឡើងបន្ទាប់កីឡាករមួយចំនួននោះបានធ្វើការសាកល្បងចម្អិនអាហារដោយខ្លួនក្នុងកំឡុងពេលឈប់សម្រាកដោយសារកូវីដ-១៩ ហើយជាលទ្ធផលពួកគេក៏ត្រូវបានរលាកដៃជើង ក្នុងពេលចម្អិន។
យ៉ាងណាមិញ ទោះជាជួបគ្រោះថ្នាក់បែបនេះក្ដី គ្រូពេទ្យខាងលើនេះបានបញ្ជាក់ថា ពួកគេមិនមានបញ្ហាអ្វីធ្ងន់ធ្ងរទេគ្រាន់តែរលាកដៃជើងធម្មតា។ រីឯអ្នករងរបួសដោយឆ្កែខាំវិញ ក៏មិនមានអ្វីប៉ះពាល់ធ្ងន់ធ្ងរផងដែរ គ្រាន់តែមានរបួសធម្មតាៗប៉ុណ្ណោះ៕