Man Utd អាចលក់២នាក់នេះ ដើម្បីយក Sancho ឱ្យបានរដូវកាលក្រោយ
- សេចក្ដីលម្អិត
- ជំពូក៖ ព័ត៌មានកីឡា
ក្រុមបិសាចក្រហម Mancheter United អាចនឹងលក់កីឡាករ២នាក់ចេញគឺ Paul Pogba និង Jesse Lingard ដើម្បីយកប្រាក់ទិញកីឡាករ Sancho ពីក្រុម Dortmund ឱ្យបាន។
តម្លៃខ្លួនរបស់ Sancho អាចដល់១០០លានផោន។ ដូច្នេះហើយ ក្រុម Man Utd ត្រូវតែស្វះស្វែងលក់កីឡាករខ្លះចេញ ដើម្បីបានប្រាក់ក៏ដូចជាមានកន្លែងសម្រាប់ខ្សែប្រយុទ្ធអង់គ្លេសវ័យក្មេងម្នាក់នេះ។
បើតាមប្រភពនៅអង់គ្លេស បានបញ្ជាក់ថាកីឡាករ២នាក់ដែលក្រុមបិសាចក្រហមអាចនឹងលក់ចេញគឺ Paul Pogba និង Jesse Lingard។ Pogba កំពុងត្រូវបានក្រុម Juventus និង Real Madrid ចង់បាន។
កីឡាករបារាំងម្នាក់នេះ អាចមានតម្លៃខ្លួនខ្ពស់ ត្បិតអីក្រុមរបស់លោក Zidane តាមចរចាទិញយកតាំងពីរដូវកាលមុនមក។ ខណៈដែល Juventus ឯណោះ ក៏ចង់បានរូបគេខ្លាំងផងដែរ ដើម្បីយកទៅលេងនៅអ៊ីតាលីវិញ។ ដោយឡែក Lingaard វិញ ក៏មានគេចាប់អារម្មណ៍ដូចគ្នា ប៉ុន្តែតម្លៃខ្លួនវិញអាចមិនបានច្រើននោះទេ ព្រោះរូបគេបង្ហាញទម្រង់លេងមិនល្អឡើយមួយរយៈនេះ៕