ចូលហ្វឹកហាត់ភ្លាម Klopp និយាយថាសុវត្ថិភាពកីឡាករ Liverpool សំខាន់ជាងពាន
- សេចក្ដីលម្អិត
- ជំពូក៖ ព័ត៌មានកីឡា
Liverpool បានប្រមូលផ្ដុំហ្វឹកហាត់វិញកាលពីថ្ងៃម្សិលមិញខណៈមានការកម្រិតវិន័យយ៉ាងតឹងរ៉ឹងទាំងការវាស់កម្ដៅ, បាញ់អាល់កុល និងបំបែកការហាត់ជាក្រុមតូចៗជាច្រើន។
Jurgen Klopp ដែលបង្ហាញខ្លួននៅថ្ងៃតែមួយជាមួយកីឡាករដទៃទៀតបានឲ្យដឹងថា បញ្ហាសុវត្ថិភាពកីឡាករគឺសំខាន់ជាង៣ពិន្ទុ និងការឈ្នះពាន ដូច្នេះគ្មានកីឡាករណាម្នាក់ត្រូវបង្ខំឲ្យមកហាត់នោះទេ គឺមកតែអ្នកស្ម័គ្រចិត្ត និងគិតថាខ្លួនមានសុខភាពល្អប៉ុណ្ណោះ។
"កីឡាករទាំងអស់សុទ្ធតែមានសុវត្ថិភាព គ្មានការរឹតបន្តឹង បង្ខំ ឬដាក់ពិន័យសម្រាប់អ្នកអវត្តមានការហ្វឹកហាត់នោះទេ។ ជាការពិតពួកយើងស្រឡាញ់បាល់ទាត់ ហើយវាជាការងាររបស់យើងប៉ុន្តែជីវិតមនុស្សសំខាន់ជាងអ្វីទាំងអស់"។ Klopp និយាយដូច្នេះ៕
