កីឡាករ ​មាន​ជាង​គេ​លើ​លោក​ រក​បាន​ត្រឹម​ ១ពាន់​ដុល្លារ​ប៉ុណ្ណោះ​ ក្នុង​មួយ​សប្ដាហ៍

សេចក្ដីលម្អិត

ជំពូក៖ ព័ត៌មានកីឡា

កីឡាករ Faiq Bolkiah ខ្សែបម្រើ ថ្នាលយុវជនក្លឹប Leicester City ជាកីឡាករ ដែលរកចំណូលបានត្រឹម ១,០០០ ដុល្លារក្នុងមួយសប្ដាហ៍ប៉ុណ្ណោះ តែមានទ្រព្យសម្បត្តិផ្ទាល់ខ្លួនសរុបដល់ទៅ ២០ពាន់លានដុល្លារឯណោះ បើយោងតាមការចុះផ្សាយរបស់ Casino។

ទ្រព្យសម្បត្តិផ្ទាល់ខ្លួនយ៉ាងច្រើនមហាសាលបែបនេះ បានធ្វើឲ្យ Faiq ជាប់ឈ្មោះជាកីឡាករ ដែលមានទ្រព្យសម្បត្តិច្រើនបំផុត ក្នុងពិភពលោក។ យ៉ាងណាមិញ លុយកាក់ទាំងអស់នេះ មិនមែនជាអ្វីដែលខ្សែបម្រើរូបនេះរកបានទេ ទ្រព្យទាំងអស់នេះជា កេរមរតកបានពីគ្រួសាររបស់ខ្លួនប៉ុណ្ណោះ។

គួរបញ្ជាក់ផងដែរថា Faiq ជាក្មួយរបស់ ព្រះចៅស៊ុលតង់ប្រ៊ុយណេ ម្ល៉ោះហើយបានជាកីឡាកររូបនេះ មានទ្រព្យសម្បត្តិមហាសាលបែបនេះ៕