ដាក់ខ្លួនណាស់! Zidane ថា Real Madrid មិនទាន់ឈ្នះអ្វីទេ កុំទាន់អបអរអី
- សេចក្ដីលម្អិត
- ជំពូក៖ ព័ត៌មានកីឡា
ក្រុម Real Madrid កាន់តែកៀកឈ្នះពានរង្វាន់ La Liga មែនទែនហើយ ក្រោយពីពួកគេបានយកឈ្នះលើក្រុម Granada ក្នុងលទ្ធផល ២-១ នៅយប់មិញនេះ។
អធិរាជសនៅសល់២ប្រកួតទៀតដើម្បីបញ្ចប់រដូវកាលនេះ ដោយ២ប្រកួតនោះពួកគេត្រូវការតែ២ពិន្ទុប៉ុណ្ណោះដើម្បីក្លាយជាជើងឯក La Liga នារដូវកាលនេះ។ ដោយឡែកបើសិនជា Barcelona ដែលនៅសល់២ប្រកួតក្នុងដៃដែរនោះ ភ្លាត់ស្មើឬចាញ់ប្រកួតណាមួយ នោះឱកាសលើកពាន Real Madrid មានពេញតែម្ដង។
ត្បិតតែភាគរយមានច្រើនយ៉ាងនេះក្ដី ប៉ុន្តែសម្រាប់ក្រុម Real Madrid ក្រោមការដឹកនាំរបស់លោក Zidane នៅតែប្រុងខ្លួនលេងប្រយ័ត្នមែនទែន។ លោក Zidane បាននិយាយថាក្រុមរបស់លោកមិនទាន់ឈ្នះពានអ្វីនៅឡើយទេ ដូច្នេះមិនអាចអបអរឬនិយាយអ្វីច្រើនជាងការប្រឹងប្រែងសម្រាប់ប្រកួតបន្ទាប់ឡើយ។
សប្ដាហ៍នេះ ជាសប្ដាហ៍ចុងក្រោយនឹងសំខាន់បំផុត ដូច្នេះកីឡាករទាំងអស់ត្រូវប្រឹងលេងឱ្យខ្លាំងមែនទែន។ ជាក់ស្ដែង សូម្បីតែលោកផ្ទាល់ ក៏ប្រឹងបញ្ជាកូនក្រុមពេញ៩០នាទីដែរ ក្នុងការប្រកួតទល់ក្រុម Granada នៅយប់មិញនេះ៕
