តើកីឡាករត្រូវលេងប៉ុន្មានប្រកួត ទើប PL ប្រគល់មេដាយកិត្តិយស?
- សេចក្ដីលម្អិត
- ជំពូក៖ ព័ត៌មានកីឡា
ក្រុមគ្រងតំណែងជើងឯក Liverpool នឹងត្រូវបានប្រគល់មេដាយកិត្តិយស និងទទួលបានឱកាសលើកពាន Premier League នៅយប់ថ្ងៃពុធនេះ។
ហង្សក្រហមនឹងទទួលបានការផ្ដល់មេដាយចំនួន៤០ពី Premier League ទៅកាន់កីឡាករនិងបុគ្គលិករបស់ពួកគេ។ សម្រាប់កីឡាករទាំង២៣នាក់ដែលមានសិទ្ធិទទួលបានមេដាយ លុះត្រាតែពួកគេបានបង្ហាញខ្លួនចាប់ពី៥ប្រកួតឡើងទៅក្នុងលីគ។
ក្នុងចំណោមកីឡាករទាំងអស់ មានតែកីឡាករម្នាក់គត់គឺ Curtis Jones មិនទាន់លេងគ្រប់ចំនួនប្រកួតដែលអាចទទួលបានមេដាយ។ កីឡាករវ័យ១៩ឆ្នាំសញ្ជាតិអង់គ្លេសត្រូវការលេងតែ១ប្រកួតទៀតប៉ុណ្ណោះនឹងមានមុខបានមេដាយនឹងគេ ខណៈលីគសល់២ប្រកួតទៀត៕
