Klopp សន្យាជាមួយអ្នកគាំទ្រ ចាំផឹកជុំគ្នា ពេល Covid-19 រលាយបាត់
- សេចក្ដីលម្អិត
- ជំពូក៖ ព័ត៌មានកីឡា
ក្រោយពីអបអរដោយគ្មានអ្នកគាំទ្រនៅយប់មិញនេះ លោក Klopp បានសន្យាជាមួយអ្នកគាំទ្រក្រុម Liverpool ទាំងអស់ថា នៅពេល Covid-19 រលាយបាត់ លោកនិងទៅជប់លៀងអបអរធំជាមួយអ្នកគាំទ្រម្ដងទៀតហើយ។
ក្រុមហង្សក្រហម Liverpool បានលើកពានរង្វាន់ Premier League ឡើងវិញនៅយប់មិញក្នុងទឹកដីរបស់ខ្លួន បន្ទាប់ពីខកខានរយៈពេល៣០ឆ្នាំមកហើយ។ តែអ្វីដែលគួរឱ្យសោកស្ដាយនោះ ពួកគេលើកពានដោយគ្មានវត្តមានរបស់អ្នកគាំទ្រចូលរួមនោះទេ ព្រោះរដ្ឋាភិបាលអង់គ្លេស មិនទាន់យល់ព្រមឱ្យមានអ្នកគាំទ្រចូលទស្សនាក្នុងកីឡដ្ឋាននៅឡើយ។
ដោយមានត្រឹមអ្នកគាំទ្រមួយចំនួនអបអរតាមដងផ្លូវប៉ុណ្ណោះ។ ដើម្បីជាការលើកទឹកចិត្តដល់អ្នកគាំទ្រទាំងអស់ លោក Klopp ក្នុងឱកាសលើកពាននោះ បានច្រៀងចម្រៀង 'You'll Never Walk Alone' ជាមួយកីឡាករផ្ញើទៅអ្នកគាំទ្រ។ ខណៈដែលលោកក៏បានសន្យាថានៅពេលមេរោគចង្រៃ Covid-19 រលាយបាត់ នោះនឹងមានកម្មវិធីលើកពានជុំគ្នាយ៉ាងធំមួយមិនខាន៕
