កីឡាករល្អកណ្ដាប់ដៃ ពេជ្រ ម្ទេសខ្មាំង យកលុយម៉ារ៉ាតុងបានអត់នៅ Town ថ្ងៃអាទិត្យ
- សេចក្ដីលម្អិត
- ជំពូក៖ ព័ត៌មានកីឡា
អ្នកប្រដាល់ល្អកណ្ដាប់ដៃ ពេជ្រ ម្ទេសខ្មាំង លេចមុខចេញប្រកួតវិញហើយសប្ដាហ៍នេះនៅឯសង្វៀន Town បន្ទាប់ពីរូបគេបាត់មុខមួយរយៈពេលក្រោយចាញ់សិស្សប្អូន អេ ណារ័ត្ន ដណ្ដើមខ្សែក្រវាត់ប្រាក់។
កីឡាករ ពេជ្រ ម្ទេសខ្មាំង បន្ទាប់ពីចាញ់វគ្គផ្ដាច់ព្រ័ត្រខ្សែក្រវាត់ប្រាក់ដោយមិនអស់ចិត្ត ព្រោះគិតថា អេ ណារ័ត្ន វ៉ៃខុសបច្ចេកទេសផងនោះកាលពីខែឧសភា ២០២០ ហើយចៅក្រមសម្រេចឲ្យខ្លួនចាញ់ក៏បាត់មុខចាប់ពីពេលនោះមកដល់ឥលូវ។
ការបាត់មុខ ឬផ្អាកឡើងសង្វៀនមួយរយៈពេលនេះគឺគេមិនដឹងពីមូលហេតុអ្វីពិតប្រាកដនោះទេ។ យ៉ាងណាមិញថ្ងៃអាទិត្យ ទី២៦ ខែកក្កដា នេះកីឡាករល្អកណ្ដាប់ដៃ ឬជាជម្រើសជាតិប្រដាល់សកលរូបនេះបានវិលមកវិញហើយ ដោយត្រូវឡើងប្រកួតកម្មវិធីម៉ារ៉ាតុងដណ្ដើមប្រាក់លានជាមួយកីឡាករផ្សេងៗ៣រូបទៀត។
ចាំមើលទាំងអស់គ្នាថាប្រាក់ម៉ារ៉ាតុងនៅ Town សប្ដាហ៍នេះបានលើកីឡាកររូបណា? ការប្រកួតចាប់ផ្ដើមឡើងពីម៉ោង ៣រសៀលតទៅ៕
