លឿនណាស់! Xavi ជាសះស្បើយពីមេរោគ Covid-19 ហើយ
- សេចក្ដីលម្អិត
- ជំពូក៖ ព័ត៌មានកីឡា
នៅថ្ងៃនេះ Xavi បានប្រកាសថារូបគេបានជាសះស្បើយពីមេរោគ Covid-19 ហើយ និងកំពុងដឹកនាំក្រុម Al-Sadd ហ្វឹកហាត់ជាធម្មតា។
វីរបុរសបាល់ទាត់អេស្ប៉ាញខាងលើនេះ បានប្រកាសថាខ្លួនឆ្លងមេរោគ Covid-19 កាលពីចុងសប្ដាហ៍កន្លងទៅ ដោយមិនអាចដឹកនាំក្រុម Al-Sadd ប្រកួតបានទេ។ ក្រោយពីសម្រាកព្យាបាលនៅផ្ទះប៉ុន្មានថ្ងៃមកនេះ ស្រាប់តែសាមីខ្លួនចេញមុខមកថាបានជាសះស្បើយពីមេរោគកាចសាហាវនេះហើយ។
Xavi បានបញ្ជាក់ថា៖ “អរគុណគ្រប់គ្នាដែលបានផ្ញើសារមកខ្ញុំប៉ុន្មានថ្ងៃមកនេះ។ ខ្ញុំចង់ចែករំលែកទៅគ្រប់គ្នាថា ពេលនេះខ្ញុំបានជាសះស្បើយវិញហើយ និងអាចត្រលប់ទៅផ្ទះ ជុំគ្រួសារបានជាធម្មតា និងអាចដឹកនាំក្រុម Al Sadd បានវិញផងដែរ”៕
