ព័ត៌មាន
ផ្សាយផ្ទាល់
បណ្តាញសង្គម
Jose បាញ់ក្រុម Man Utd ចាស់ដៃទៀតហើយ រឿង Bruno
- សេចក្ដីលម្អិត
- ជំពូក៖ ព័ត៌មានកីឡា
លោក Jose Mourinho ចាប់ផ្ដើមឌឺដងក្លឹបចាស់ Manchester United ទៀតហើយ ដោយអះអាងថាពួកគេកំពុងមានកីឡាករល្អបំផុតលើលោកខាងផ្នែកទាត់ប៉េណាល់ទី។
ក្រុមរបស់លោក Ole Gunnar Solskjaer បានបញ្ចប់រដូវកាលដោយចំណាត់ថ្នាក់លេខ៣ ក្រោយពីពួកគេបានយកឈ្នះលើក្រុម Leicester City នៅការប្រកួតចុងក្រោយ ដោយលទ្ធផល ២-០។ ២គ្រាប់នោះដែរ កើតឡើងដោយការទាត់ប៉េណាល់ទីរបស់ Bruno ១គ្រាប់ និង Lingard ចុងម៉ោង១គ្រាប់។
បិសាចក្រហម តាំងពីមានវត្តមាន Bruno មក ពួកគេធ្វើបានល្អ មិនស្គាល់បរាជ័យក្នុងលីគទេ ហើយក៏ទទួលបានឱកាសប៉េណាល់ទីច្រើនជាងក្លឹបដទៃទៀតដែរនារដូវកាលនេះ។
ចំពោះឱកាសនេះដែរ លោក Jose Mourinho បាននិយាយថា៖ “Bruno មកដល់ គាត់សមជាមួយក្រុម យើងជួយពង្រឹងសមត្ថភាព United បានច្រើន។ គាត់ក៏បានបង្ហាញច្បាស់ថាគាត់ជាអ្នកទាត់ប៉េណាល់ទីល្អបំផុតផងដែរនៅលើលោកនេះ ព្រោះគាត់បានទាត់វា២០គ្រាប់មកហើយ”៕
