Vardy បានកាតលឿង ក្រោយអបអរទៅទាត់បំបាក់បង្គោលបាល់ជ្រុង
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធ Vardy ទទួលបានកាតលឿង បន្ទាប់ពីរូបគេអបអរគ្រាប់បាល់ ដោយលោតទៅទាត់បង្គោលបាល់ជ្រុងបាក់ខ្ទេចក្នុងការប្រកួតនៅយប់មិញនេះ។
ក្រុម Leicester City បានយកឈ្នះលើក្រុម Sheffield United ក្នុងលទ្ធផល ២-១ នៅយប់មិញនេះ ដែលគ្រាប់បាល់ជ័យជម្នះធ្វើបានដោយ Vardy នៅនាទី៩០។ មួយគ្រាប់ជួយក្រុមបាន៣ពិន្ទុនេះ ពិតជាធ្វើឱ្យកីឡាករអង់គ្លេសរូបនេះសប្បាយចិត្តយ៉ាងខ្លាំង ដោយបានរត់ទៅអបអរទាត់បង្គោលបាល់ជ្រុងបាក់ខ្ទេចតែម្ដង។
ទង្វើនេះ លោកអាជ្ញាកណ្ដាលក៏សម្រេចផ្ដល់កាតលឿងឱ្យរូបគេមួយផងដែរ។ ក្រុម Leicester City នាពេលបច្ចុប្បន្ននេះឈរនៅចំណាត់ថ្នាក់លេខ៤ក្នុងតារាង Premier League ក្រោយឆ្លងកាត់១១ប្រកួត មាន២១ពិន្ទុ។ នារដូវកាលនេះ ក្រុមច្រើនមែនទែនមានការប្រកួតប្រជែងគ្នាខ្ពស់ ដោយក្រុមលេខ១ Spurs មានពិន្ទុត្រឹមតែ២៤ពិន្ទុប៉ុណ្ណោះ៕
