Mourinho ស្ដីឲ្យកូនក្រុមខ្លួនឯងខ្លាំងថា លេងលាក់សមត្ថភាពពេលប៉ះ Arsenal
- សេចក្ដីលម្អិត
- ជំពូក៖ ព័ត៌មានកីឡា
លោក Jose Mourinho អ្នកចាត់ការក្លឹប Tottenham Hotspur បាននិយាយក្រោយប្រកួតចាញ់នឹងក្លឹប Arsenal ក្របខ័ណ្ឌ Premier League ក្នុងលទ្ធផល ២-១ម្សិលមិញថា កីឡាករខ្លាំងៗរបស់លោក លេងដូចលាក់សមត្ថភាពម៉េចទេក្នុងការប្រកួតមួយហ្នឹង។
លោក Mourinho បាននិយាយថា៖" នៅតង់ទី១ហ្នឹង យើងធ្វើបានល្អតែពីររឿងគត់ គឺទី១យើងអាចរកគ្រាប់បាល់១គ្រាប់បាន និងទី២ យើងអាចទប់ខាងគេបានដោយលទ្ធផលចុងក្រោយគឺត្រឹម ១-១ អញ្ចឹងគ្រាន់បើដែរ។ តែផុតពីហ្នឹង យើងលេងអន់ណាស់ "។
លោកបានបន្តថា៖" កីឡាករខ្លាំងៗ សំខាន់របស់ខ្ញុំដូចលេងលាក់ៗសមត្ថភាពម៉េចមិនដឹងទេ។ ខ្ញុំមិនចង់និយាយឲ្យចំៗឈ្មោះទេ តែខ្ញុំអាម៉ាស់មែនទែន ដែលពាក់កណ្ដាលនៃពួកគេហ្នឹងលេងអត់កើត។ ពួកគេលេងដូចបិទពួនម៉េចទេ អត់មានប៉ះឲ្យគ្នា អត់សូវស៊ុតអីសោះ "។
គួរបញ្ជាក់ផងដែរថា មកទល់នឹងពេលនេះ Spurs កំពុងឈរនៅលេង៧ នៅក្នុងការប្រកួតពាន PL ខាងលើដោយមាន ៤៥ពិន្ទុ៕
