ខ្សែប្រយុទ្ធ Leeds ប្រកាសឱ្យអ្នកគាំទ្រចេញមុខប្រឆាំងការប្រកួត Super League
- សេចក្ដីលម្អិត
- ជំពូក៖ ព័ត៌មានកីឡា
Patrick Bamford ខ្សែប្រយុទ្ធ Leeds United បានអំពាវនាវឱ្យអ្នកគាំទ្រចូលរួមប្រឆាំងជាមួយការប្រកួតបានរង្វាន់ European Super League ។
អំឡុងការប្រកួតរវាងក្រុម Leeds United និង Liverpool កន្លងទៅនេះ មានអ្នកគាំទ្រជាច្រើនបានចេញមុខមកតវ៉ាទៅហើយ។ ដោយក្នុងនោះទាំងអ្នកគាំទ្រ Liverpool និង Leeds United សុទ្ធតែចេញមកតវ៉ា មិនចង់ឱ្យមានការប្រកួតពាន Super League ឡើយ ព្រោះពួកគេយល់ថាវានឹងបង្កគ្រោះថ្នាក់ដល់វិស័យបាល់ទាត់បច្ចុប្បន្ននេះ។
ដោយក្នុងនោះ Patrick Bamford ដែលជាខ្សែប្រយុទ្ធ Leeds បាននិយាយថា៖ “បាល់ទាត់សម្រាប់អ្នកគាំទ្រ។ ខ្ញុំបានឃើញនៅលើបណ្ដាញសង្គម គ្មានអ្នកគាំទ្រណាពេញចិត្តជាមួយពានរង្វាន់នេះទេ។
គ្មានអ្នកគាំទ្រ បាល់ទាត់គ្មានអ្វីទាំងអស់។ វាសំខាន់ណាស់សម្រាប់វិស័យបាល់ទាត់ បើគ្មានអ្នកគាំទ្រចប់ហើយ។ ពួកគេនឹងមិនអាចធ្វើអ្វីបានទេ បើគ្មានអ្នកគាំទ្រ”៕
