លេចឮ PSG ស្នើកុងត្រា៣ឆ្នាំទៅ Messi និងប្រគល់អាវលេខ១០ឲ្យទៀត
- សេចក្ដីលម្អិត
- ជំពូក៖ ព័ត៌មានកីឡា
Lionel Messi ទទួលបានសំណើរកុងត្រារយៈពេល៣ឆ្នាំពីក្លឹប Paris Saint-Germain ដោយសារតែអនាគតរបស់គេនៅ Barcelona ស្ថិតក្នុងមន្ទិល។
នេះបើតាមសេចក្ដីរាយការណ៍ពីសារព័ត៌មានអាហ្សង់ទីន។កុងត្រារបស់កីឡាករវ័យ៣៣ឆ្នាំជាមួយ Barca នឹងអស់នៅចុងបញ្ចប់ខែមិថុនាខាងមុខ ប៉ុន្តែគេមិនទាន់យល់ព្រមបន្តកុងត្រាថ្មីជាមួយក្លឹបនៅឡើយទេ។
កាលពីរដូវក្ដៅមុន Messi បានដាក់លិខិតទៅកាន់ Barcelona ដើម្បីសុំចាកចេញ ប៉ុន្តែក្រោយមានការសម្រួលគេក៏បន្តលេងរហូតដល់កុងត្រាអស់។ ផ្អែកតាមទូរទស្សន៍ស្ថិតក្នុងប្រទេសអាហ្សង់ទីន TNT Sports បានផ្សាយថា PSG បានដាក់សំណើកុងត្រាពិសេសមួយទៅកាន់ Messi ហើយហ៊ានប្រគល់អាវលេខ១០ឲ្យទៀត។ លេខ១០បច្ចុប្បន្ននៅក្នុងក្លឹប PSG កំពុងគ្រប់គ្រងដោយ Neymar ដែលធ្លាប់លេងជាមួយ Messi កាលនៅ Barcelona៕
