Pochettino ថាជាការឈឺចាប់បំផុតដែលរបូត២គ្រាប់យប់មិញ
- សេចក្ដីលម្អិត
- ជំពូក៖ ព័ត៌មានកីឡា
ក្រុមម្ចាស់ផ្ទះ PSG បានបរាជ័យក្រោមថ្វីជើងក្រុម Manchester City ក្នុងលទ្ធផល ២-១ សម្រាប់ការប្រកួតពានរង្វាន់ UEFA Champions League វគ្គពាក់កណ្ដាលផ្ដាច់ព្រ័ត្រជើងទី១នៅយប់មិញនេះ។
ក្រុម PSG បើកឆាកការប្រកួតនៅតង់ទី១ឃើញថាមានទម្រង់លេងល្អ ដោយរកបាន១គ្រាប់ពីសំណាកកីឡាករ Marquinhos នៅនាទី១៥។ តែឈានដល់តង់ទី២វិញ ឃើញថាក្រុមរបស់លោក Pep បានប្ដូរយុទ្ធសាស្ត្រនិងមានទម្រង់លេងល្អប្លែកតែម្ដង។
ពួកគេអាចរកគ្រាប់បាល់បានដល់ទៅ២គ្រាប់ ពីសំណាកកីឡាករ De Bruyne នៅនាទី៦៤ និង Mahrez នៅនាទី៧១។ ចប់ការប្រកួត PSG ១-២ Man City ។ លោកPochettino បានហៅការបរាជ័យនេះថាជាការចាញ់ដ៏ឈឺចាប់បំផុត។
នៅវគ្គពាក់កណ្ដាលផ្ដាច់ព្រ័ត្រនេះ ក្រុមទាំងអស់ប្រឹងប្រែងណាស់ដើម្បីប្រកួតប្រជែង ហើយកំហុសតែបន្ដិចនឹងអាចធ្វើឱ្យក្រុមបរាជ័យជាក់ជាមិនខាន៕
