វឿន វ៉ា មើលឃើញចំណុចស្ទើរបទពិសោធទើបធ្វើឲ្យព្រៃវែងលេងមិនសូវបានល្អ
- សេចក្ដីលម្អិត
- ជំពូក៖ ព័ត៌មានកីឡា
ខ្សែប្រយុទ្ធវ័យ១៧ឆ្នាំរបស់ក្លឹបព្រៃវែង វឿន វ៉ា មើលឃើញថា ចំណុចស្ទើរបទពិសោធជាមូលហេតុ ដែលនាំឲ្យព្រៃវែងលេងមិនសូវបានល្អក្នុងការចាប់ផ្ដើមលីគកំពូលកម្ពុជាពីរសប្ដាហ៍កន្លងមករបស់ព្រៃវែង។សប្ដាហ៍ទី១ របស់ព្រៃវែងលេងស្មើ Tiger ១-១ និងប្រកួតទី២ ចាញ់គីរីវង់សុខសែនជ័យ ៣-០ ។
លទ្ធផលមិនសូវបានល្អធ្វើឲ្យយុវជនកើតថ្ងៃទី០៧ ខែឧសភា ឆ្នាំ២០០៣ នៅខេត្តព្រៃវែងរូបនេះ មើលឃើញចំណុចខ្វះខាតខាងលើ។ គេមិនហ៊ាននិយាយថា ពេលណាទើបអាចលេងបានល្អនោះទេ ពីព្រោះបាល់ទាត់វាទាមទារពេលវេលាច្រើន ដើម្បីឲ្យក្រុមថ្មីមួយអាចជោគជ័យ។
រំលឹកថា ព្រៃវែងទើបតែបានឡើងមកលេងលីគកំពូលកម្ពុជាឆ្នាំនេះទេ ដោយឡើងពីលីគទី២មកក្រោយឈ្នះជើងឯកលីគ២។ ឆ្នាំនេះព្រៃវែងទើបតែលេងបាន២ប្រកួតប៉ុណ្ណោះ ដោយសារពន្យារពេលប្រកួតក្រោយមានការរីករាលដាលនៃកូវីដ១៩៕
